പെരിയ : നാഷണൽ അസസ്മെന്റ് ആൻഡ് അക്രഡിറ്റേഷൻ കൗൺസിൽ (നാക്) ഗ്രേഡിങ്ങിൽ കേരള കേന്ദ്രസർവകലാശാലയ്ക്ക് എ ഗ്രേഡ്. കഴിഞ്ഞ തവണ ബി++ ആയിരുന്നു. 2.76 പോയിന്റ് 3.14 ആയി ഉയർത്തിയാണ് ഈ നേട്ടം കരസ്ഥമാക്കിയത്. സെപ്റ്റംബർ 21, 22, 23 തീയതികളിലാണ് നാക് പരിശോധന നടന്നത്.
മിസോറം സർവകലാശാല വൈസ് ചാൻസലർ പ്രൊഫ. കെ.ആർ.എസ്. സാംബശിവ റാവു ചെയർമാനായ ആറംഗ സംഘമാണ് ഗ്രേഡ് നിർണയത്തിനായെത്തിയത്. 2009-ൽ സ്ഥാപിതമായ കേരള കേന്ദ്രസർവകലാശാലയ്ക്ക് ചുരുങ്ങിയ വർഷത്തിനുള്ളിലാണ് ഈ നേട്ടം. വിദൂരവിദ്യാഭ്യാസ, ഓൺലൈൻ കോഴ്സുകൾ ആരംഭിക്കുന്നതിനുള്ള അനുമതി സർവകലാശാലയ്ക്ക് ലഭിക്കും.കൂട്ടായ പരിശ്രമത്തിന്റെ ഫലമാണ് ഗ്രേഡിങ്ങിലെ മുന്നേറ്റമെന്ന് വൈസ് ചാൻസലർ പ്രൊഫ. എച്ച്. വെങ്കടേശ്വരലു പറഞ്ഞു.
