തിരുവനന്തപുരം: വിദ്യാഭ്യാസം, സാമ്പത്തികം, ന്യൂനപക്ഷം എന്നീ മേഖലകളില് ക്രിസ്ത്യന് ന്യൂനപക്ഷങ്ങളുടെ പിന്നാക്കാവസ്ഥ പഠിക്കാൻ സർക്കാർ കമ്മീഷനെ നിയോഗിച്ചു. ഇന്ന് ചേർന്ന മന്ത്രിസഭാ യോഗത്തിലാണ് സുപ്രധാന തീരുമാനമുണ്ടായത്.
പാറ്റ്ന ഹൈക്കോടതി മുൻ ചീഫ് ജസ്റ്റിസ് ജെ.ബി. കോശിയാണ് കമ്മീഷൻ അധ്യക്ഷൻ. ഡോ. ക്രിസ്റ്റി ഫെര്ണാണ്ടസ് (റിട്ട. ഐഎഎസ്) ജേക്കബ് പുന്നൂസ് (റിട്ട. ഐപിഎസ്) എന്നിവരാണ് കമ്മീഷനിലെ മറ്റ് അംഗങ്ങൾ.
