കടുത്തുരുത്തി : കേരള കോണ്ഗ്രസ് എമ്മിനെ തകര്ക്കാന് നോക്കിയവര് രാഷ്ട്രീയത്തിന്റെ പിന്നാമ്പുറങ്ങളിലേക്ക് തള്ളപ്പെടുന്നു സ്റ്റീഫന് ജോര്ജ് . കര്ഷക ജനസഹസ്രങ്ങളുടെ പിന്തുണയുള്ള കെഎം മാണിസാറിന്റെ രാഷ്ട്രീയ പൈതൃകവുമുള്ള കേരള കോണ്ഗ്രസ് എമ്മിനെ തകര്ക്കാന് നോക്കിയവര് രാഷ്ട്രീയത്തിന്റെ പിന്നാമ്പുറങ്ങളിലേക്ക് തള്ളപ്പെടുന്ന സാഹചര്യമാണ് വര്ത്തമാനകാല കേരള രാഷ്ട്രീയത്തില് സംഭവിക്കുന്നതെന്ന് കേരള കോണ്ഗ്രസ് (എം ) സംസ്ഥാന ജനറല് സെക്രട്ടറിയും നിയുകത ന്യൂനപക്ഷ വികസന ഫിനാന്സ് കോര്പ്പറേഷന് ചെയര്മാനുമായ സ്റ്റീഫന് ജോര്ജ് ചൂണ്ടിക്കാട്ടി. കേരള കോണ്ഗ്രസ് (എം ) കടുത്തുരുത്തി നിയോജകമണ്ഡലം നേതൃയോഗത്തില് നല്കിയ സ്വീകരണത്തിന് മറുപടി പറഞ്ഞു സംസാരിക്കുകയായിരുന്നു അദ്ദേഹം .
പാര്ട്ടി നിയോജക മണ്ഡലം പ്രസിഡന്റ് പി എം മാത്യു ഉഴവൂര് അധ്യക്ഷത വഹിച്ച യോഗത്തില് പാര്ട്ടി ജില്ലാ പ്രസിഡന്റ് സണ്ണി തെക്കേടം , സംസ്ഥാന ജനറല് സെക്രട്ടറി സഖറിയാസ് കുതിരവേലി , ജില്ലാ സെക്രട്ടറി പ്രദീപ് വലിയപറമ്പില്, ബിജു മറ്റപ്പള്ളി, ടി എ ജയകുമാര്, സിറിയ്ക് ചാഴികാടന് , പ്രസാദ് ചെമ്മല, കെ എസ് മനോഹരന്, മണ്ഡലം പ്രസിഡന്റുമാരായ സി ബി മാണി ,പിറ്റി കുര്യന്, തോമസ് പുളിക്കയില്, മാമച്ചന് അരീക്കതുണ്ടത്തില്, ബോബി മാത്യു ,ജോസ് തൊട്ടിയില് ,പി എല് എബ്രഹാം, റോയി മലയില്,സേവ്യര് കൊല്ലപ്പള്ളി,വനിതാ കോണ്ഗ്രസ് (എം) നിയോജകമണ്ഡലം പ്രസിഡന്റ് നയന ബിജു , ദളിത് ഫ്രണ്ട് നിയോജകമണ്ഡലം പ്രസിഡന്റ് കെ കെ ബാബു, പി കെ രാജു, ജിന്സി എലിസബത്ത്, ബിന്സി സിറിയ്ക്ക് എന്നിവര് പ്രസംഗിച്ചു.
