കോന്നി : കേരള കോ-ഓപ്പറേറ്റീവ് എംപ്ലോയീസ് യൂണിയൻ (സിഐടിയു) കോന്നി ഏരിയ സമ്മേളനം കലഞ്ഞൂരിൽ സംസ്ഥാന സെക്രട്ടറി പി ജി ഗോപകുമാർ ഉദ്ഘാടനം ചെയ്തു. ടി എൻ സുരേഷ് അധ്യക്ഷത വഹിച്ചു. ഏരിയ സെക്രട്ടറി കെ എസ് സന്തോഷ് കുമാർ പ്രവർത്തന റിപ്പോർട്ടും സംസ്ഥാന കമ്മിറ്റിയംഗം കെ എസ് ഓമന സംഘടനാ റിപ്പോർട്ടും അവതരിപ്പിച്ചു. ഏരിയ ട്രഷറർ ബിന്ദു റാണി വരവുചെലവ് കണക്കുകൾ അവതരിപ്പിച്ചു.
30 വർഷത്തെ സേവനത്തിനുശേഷം സർവീസിൽനിന്ന് വിരമിക്കുന്ന സംസ്ഥാന കമ്മിറ്റിയംഗം കെ എസ് ഓമനയെ സിപിഐ എം കോന്നി ഏരിയ സെക്രട്ടറി ശ്യാംലാൽ ആദരിച്ചു. സിഐടിയു ഏരിയ സെക്രട്ടറി രാജേഷ് കുമാർ, സിപിഐ എം ലോക്കൽ സെക്രട്ടറി എസ് രഘു, യൂണിയൻ ജില്ലാ ഭാരവാഹികളായ പി സി രാജീവ്, ടി ജലജ, ടി മധു, ഡി പ്രദീപ് കുമാർ, കെ പി സന്തോഷ് കുമാർ എന്നിവർ സംസാരിച്ചു. കെ എസ് സന്തോഷ് കുമാർ (പ്രസിഡന്റ്, പ്രദീപ് (സെക്രട്ടറി), ബിന്ദു റാണി (ട്രഷറർ) എന്നിവരെ ഭാരവാഹികളായി തെരഞ്ഞെടുത്തു.
