പത്തനംതിട്ട : കേരള ഗവൺമെന്റ് നേഴ്സസ് യൂണിയൻ പത്തനംതിട്ട ജില്ലാ കമ്മിറ്റിയുടെ ആഭിമുഖ്യത്തിൽ കളക്ടറേറ്റ് പടിക്കൽ അവകാശ പ്രഖ്യാപന പ്രതിഷേധ ധർണ്ണ നടത്തി. പതിനൊന്നാം ശമ്പള കമ്മീഷൻ റിപ്പോർട്ട് ഉടൻ നടപ്പിലാക്കുക, നഴ്സുമാരുടെയും ആരോഗ്യ പ്രവർത്തകരുടെയും പിടിച്ചെടുത്ത ശമ്പളം തിരികെ നൽകുക, കൊറോണ ഡ്യൂട്ടിയിലുള്ള നേഴ്സുമാർക്കും ആരോഗ്യ പ്രവർത്തകർക്കും റിസ്ക് അലവൻസ് നൽകുക, മരവിപ്പിച്ച് ലീവ് സറണ്ടർ പുനഃസ്ഥാപിക്കുക, പത്തനംതിട്ട ജില്ലയിലെ സി എഫ് എൽ ടി സി കളിലെയും സി എസ് എൽ ടി സി കളിലെയും ചാർജ് നഴ്സുമാരുടെ ജോലി തുടർച്ചയായി 30 ദിവസം ആക്കിയ നടപടി പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ടാണ് ധർണ്ണ നടത്തിയത്.
പ്രതിഷേധ ധർണ്ണ സെറ്റോ ചെയർമാൻ സുരേഷ് കുഴിവേലിൽ ഉദ്ഘാടനം ചെയ്തു. കെ ജി എൻ യു ജില്ലാ പ്രസിഡന്റ് ജയാ ജെസ്സി മാമ്മൻ അധ്യക്ഷത വഹിച്ചു. കെ ജി എൻ യു സംസ്ഥാന വൈസ് പ്രസിഡന്റ് സിന്ധു ഭാസ്കർ, ജില്ലാ ജനറൽ സെക്രട്ടറി ദീപ കുമാരി, രഹ്ന കൃഷ്ണ വിജയകുമാരി, നസീമ പി.എച്ച് എന്നിവർ പ്രസംഗിച്ചു.
