കോഴിക്കോട് : സംസ്ഥാനത്ത് കൊവിഡിന്റെ പുതിയ വകഭേദമായ ഒമിക്രോണ് കൂടിവരുന്ന സാഹചര്യത്തില് കോഴിക്കോട് നടക്കാനിരുന്ന കേരള ലിറ്ററേച്ചര് ഫെസ്റ്റിവെല് മാര്ച്ചിലേക്ക് മാറ്റി. ജനുവരി 20 മുതല് 23 വരെ കോഴിക്കോടു ബീച്ചില് നടത്താനിരുന്ന കെ എല് എഫ് ആറാമത് എഡിഷന് മാര്ച്ച് 17 മുതല് 20വരെ നടക്കുമെന്ന് ചീഫ് ഫെസിലിറ്റേര് രവി ഡി സി അറിയിച്ചു. കൊവിഡ് വ്യാപനം ജനുവരിയോടെ ഉയര്ന്ന് ഫെബ്രുവരി പകുതിയോടെ കുറയുമെന്നാണ് വിലയിരുത്തല്. അതിനാലാണ് പൂര്ണ പങ്കാളിത്തത്തോടെ മാര്ച്ചിലേക്ക് ഫെസ്റ്റ് നീട്ടാന് തീരുമാനിച്ചതെന്നും രവി ഡി സി പറഞ്ഞു.
