തിരുവനന്തപുരം : കൊവിഡ് പ്രോട്ടോക്കോള് പാലിച്ചുള്ള ഏകദിന നിയമസഭാ സമ്മേളനത്തിന് തുടക്കമായത് പ്രതിപക്ഷ ബഹളത്തോടെ. പിണറായി വിജയന് സര്ക്കാരിനെതിരെ വി.ഡി സതീശന് കൊണ്ടുവന്ന അവിശ്വാസ പ്രമേയത്തിന് സ്പീക്കര് അനുമതി നല്കി. അപ്പോള് തന്നെ പ്രതിപക്ഷ നിരയില് ബാനര് ഉയരുകയും ബഹളമുണ്ടാക്കുകയും ചെയ്തു. അവിശ്വാസ പ്രമേയം ചര്ച്ചചെയ്യുന്നത് സംബന്ധിച്ച് സ്പീക്കര് സഭയോട് കാര്യങ്ങള് വിശദീകരിക്കുന്നതിനിടെ സ്പീക്കര്ക്കെതിരായ അവിശ്വാസ പ്രമേയത്തിന്റെ കാര്യം പ്രതിപക്ഷ നേതാവ് രമേശ് ചെന്നിത്തല എടുത്തിട്ടു.
