ലഹരി മരുന്ന് ഉപയോഗം തടയാനുള്ള സിനിമാ സെറ്റുകളിലെ പോലീസ് പരിശോധന പ്രായോഗികമല്ലെന്ന് സംവിധായകന് എസ്.എന്. സ്വാമി. സിനിമാ സെറ്റില് സ്വകാര്യതയുണ്ട്. പോലീസ് ഇടപെടല് സംവിധായാകന് ബുദ്ധിമുട്ടുണ്ടാക്കും. വ്യക്തികളുണ്ടാക്കുന്ന പ്രശ്ങ്ങളെ, മൊത്തം സിനിമയുടെ പ്രവര്ത്തനത്തെ ബാധിക്കാത്ത വിധം പരിഹരിക്കണം എന്ന് അദ്ദേഹം അഭിപ്രായപ്പെട്ടു. യുവ സിനിമാ പ്രവര്ത്തകര്ക്കിടയിലെ ലഹരിവസ്തുക്കളുടെ ദുരുപയോഗത്തെക്കുറിച്ച് നടന് ടിനി ടോമിന്റെ വെളിപ്പെടുത്തലിന് തൊട്ടുപിന്നാലെ, കേരള പോലീസ് നടപടിയെടുക്കാന് തീരുമാനമറിയിച്ചിരുന്നു.
അതേസമയം ലഹരി മരുന്ന് ഉപയോഗം തടയാനുള്ള സിനിമാ സെറ്റുകളിലെ പോലീസ് പരിശോധനയെ സ്വാഗതം ചെയ്ത് ഫിലിം ചേംബര്. ലഹരി പരിശോധനയ്ക്ക് ആവശ്യമായ എല്ലാ സഹായവും ചെയ്യുമെന്ന് നിര്മ്മാതാവ് ജി സുരേഷ് കുമാര് വ്യക്തമാക്കി. ഈ പരിശോധന കുറച്ചുകൂടെ നേരത്തെ തുടങ്ങിയിരുന്നെങ്കില് കുറെ പ്രശ്നങ്ങള് പരിഹരിക്കാമായിരുന്നുവെന്നും അദ്ദേഹം പറഞ്ഞു.
