തിരുവനന്തപുരം : സംസ്ഥാനത്ത് നാളെ മുതല് ശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പ്. ഈ മാസം 18 വരെ പരക്കെ മഴയുണ്ടാകുമെന്നാണ് കാലാവസ്ഥ വകുപ്പിന്റെ മുന്നറിയിപ്പ്. ഇടിമിന്നല് ഉണ്ടാകാന് സാധ്യതയുള്ളതിനാല് അധികൃതര് അതീവ ജാഗ്രതാ നിര്ദേശം പുറപ്പെടുവിച്ചു.
ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണെന്ന് അധികൃതര് മുന്നറിയിപ്പ് നല്കുന്നു. ചില സമയങ്ങളില് രാത്രി വൈകിയും ഇത് തുടര്ന്നേക്കാമെന്നും മലയോര മേഖലയില് ഇടിമിന്നല് സജീവമാകാനാണ് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു. അതേസമയം കേരള തീരത്ത് മല്സ്യ ബന്ധനത്തിന് തടസ്സമില്ല.
