കോഴിക്കോട് : ആംബുലന്സിന്റെ വാതില് തുറക്കാനാകാതെ വാഹനാപകടത്തില് പരിക്കേറ്റ ആള് മരിച്ച സംഭവത്തില് മനുഷ്യാവകാശ കമ്മീഷന് കേസെടുത്തു. വാതില് തുറക്കാനാവാതെ അരമണിറിലേറെയാണ് ഫറോക്ക് സ്വദേശി കോയമോന് ആംബുലന്സില് കുടുങ്ങിക്കിടന്നത്. സംഭവത്തില് ഡിഎംഒയും റിപ്പോര്ട്ട് തേടിയിരുന്നു.
കഴിഞ്ഞ ദിവസം വൈകിട്ടാണ് ബൈക്ക് അപകടത്തില് കോയമോന് പരിക്കേറ്റത്. തുടര്ന്ന് ബീച്ച് ആശുപതിയിലെ ആംബുലന്സില് ഇദ്ദേഹത്തെ മെഡിക്കല് കോളേജില് എത്തിച്ചെങ്കിലും ആംബുലന്സിന്റെ ഡോര് തുറക്കാന് കഴിയാതെ അരമണിക്കൂറിലേറെ ആംബുലന്സില് കുടുങ്ങികിടന്നു. നാട്ടുകാരും ആശുപത്രി ജീവനക്കാരും മഴു ഉപയാഗിച്ച് വാതില് പൊളിച്ച് അത്യാഹിത വിഭാഗത്തില് പ്രവേശിപ്പിച്ചെങ്കിലും ഇയാളെ രക്ഷിക്കാനായില്ല.
ആംബുലന്സിന്റെ കാലപ്പഴക്കമാണ് വാതില് തകരാറിലാവാന് കാരണമെന്ന പരാതിയും ശക്തമായി ഉയര്ന്നിരുന്നു. ഈ സാഹചര്യത്തിലാണ് മനുഷ്യാവകാശ കമ്മീഷന് റിപ്പോര്ട്ട് തേടിയത്. ആംബുലന്സുകളുടെ ചുമതലയും പരിപാലനവും സംബന്ധിച്ച് ബീച്ച് ആശുപത്രി സൂപ്രണ്ട് വിശദീകരണം നല്കണമെന്നും കമ്മീഷന് നിര്ദ്ദേശിച്ചിട്ടുണ്ട്. ജില്ലയിലുള്ള ആംബുലന്സുകളുടെ സുരക്ഷ പരിശോധിച്ച് റീജിണല് ട്രാന്സ്പോര്ട്ട് ഓഫീസറും വിശദീകരണവും നല്കണം.
