അടൂര്: കേരള സർക്കാരിന്റെ നൂറു ദിന കർമ്മ പരിപാടിയിൽ ഉൾപ്പെടുത്തി സംസ്ഥാന കൃഷി വകുപ്പിന്റെ ആഭിമുഖ്യത്തിൽ കേരള ഗ്രോ ബ്രാൻഡ് ഷോപ്പുകൾ സംസ്ഥാനത്ത് ഉടനീളം പ്രവർത്തനസജ്ജമാക്കുന്നതിന്റെ ഭാഗമായി അടൂർ കേരസമിതി കൃഷിക്കൂട്ടത്തിന് അനുവദിച്ച കേരള ഗ്രോ ബ്രാൻഡ് ഔട്ട്ലെറ്റിന്റെ ഉദ്ഘാടനം ഡെപ്യൂട്ടി സ്പീക്കർ ചിറ്റയം ഗോപകുമാർ നിർവഹിച്ചു. കർഷകർ, കർഷക ഗ്രൂപ്പുകൾ, കൃഷി കൂട്ടങ്ങൾ കൃഷിഫാമുകൾ, എഫ്.പി.ഒകൾ എന്നിവരുടെ മൂല്യ വർധിത ഉൽപ്പന്നങ്ങളും ചെറു ധാന്യ ഉൽപ്പന്നങ്ങളും പൊതുജനങ്ങൾക്ക് ഈ ഔട്ട്ലെറ്റിലൂടെ ലഭ്യമാകുമെന്ന് ഡെപ്യൂട്ടി സ്പീക്കർ പറഞ്ഞു.
അടൂർ നഗരസഭ വൈസ് ചെയർ പേഴ്സൺ രാജി ചെറിയാൻ യോഗത്തിൽ അധ്യക്ഷത വഹിച്ചു. എംകോസ് പ്രസിഡന്റ് ഡി സജി, നഗരസഭ സ്റ്റാൻഡിങ് കമ്മിറ്റി ചെയർമാൻമാരായ ബീന ബാബു, ശോഭ തോമസ്, കൗൺസിൽമാരായ അപ്സര സനൽ, കെ മഹേഷ് കുമാർ, സിന്ധു തുളസീധര കുറുപ്പ്, അനിതാ ദേവി, അഡ്വ. എസ് മനോജ്, കെ ആർ ശങ്കരനാരായണൻ, അഡ്വ.ജോസ് കളിക്കൽ, ഇ.കെ സുരേഷ്, സജു മിഖായേൽ, പ്രിൻസിപ്പൽ കൃഷി ഓഫീസർ ഷെർളി സക്കറിയ, കൃഷി ഡെപ്യൂട്ടി ഡയറക്ടർ പുഷ്പ എസ്, കൃഷി അസിസ്റ്റന്റ് ഡയറക്ടർ റോണി വർഗീസ്, കേരസമിതി കൃഷിക്കൂട്ടം സെക്രട്ടറി സുമ എന്നിവർ സംസാരിച്ചു.
