സൗദിഅറേബ്യ : സൗദി അറേബ്യയില് കെട്ടിടത്തിനുമുകളിൽ നിന്നും കാല് വഴുതി വീണ് മലയാളി മരിച്ചു. എറണാകുളം ആലുവ സ്വദേശി അമ്പാട്ട് ഹൗസില് ഹമീദിന്റെ മകന് ഷിയാസ് ഹമീദ് എന്ന കുഞ്ഞുമോൻ ( 36) ആണ് ജോലിക്കിടെ മരിച്ചത് . സൗദി അല് ഹസയിലെ ജാഫര് ജിഷയില് സ്വദേശിയുടെ വീട്ടില് ഡിഷ് ഘടിപ്പിക്കുന്നതിനിടെ കാല് വഴുതി റോഡിലേക്ക് വീണായിരുന്നു അപകടം. സംഭവസ്ഥലത്തുവച്ചു തന്നെ ഷിയാസ് മരിച്ചു. ജിഷ ഫുട്ബോള് ക്ലബ്ബിലെയും നവോദയ ജാഫര് ജിഷ യൂണിറ്റിലെയും അംഗമായിരുന്നു. നാട്ടിലേക്ക് പോകാനായി ഈ മാസം 24 ന് ടിക്കറ്റ് ബുക്ക് ചെയ്തിരുന്നെങ്കിലും വിമാന സര്വ്വീസുകള് നിര്ത്തിയതോടെ സൗദിയില് തുടരുകയായിരുന്നു. ഫെബിനയാണ് ഭാര്യ . മകള്, ഫര്ഹ ഫാത്തിമ. സഹോദരന് ഷിജാസ് അല് ഹസ ജാഫറില് തന്നെ ജോലി ചെയ്യുന്നു.
The post സൗദി അറേബ്യയില് കെട്ടിടത്തില് നിന്ന് വീണ് പ്രവാസി മലയാളി മരിച്ചു appeared first on Pathanamthitta Media.
