പത്തനംതിട്ട: കേരള ഇന്റിപെണ്ടന്റ് ഫാർമേഴ്സ് അസോസിയേഷൻ (കിഫ) സെപ്റ്റംബർ 24 ശനിയാഴ്ച പത്തനംതിട്ട സെൻട്രൽ ക്ലബ്ബിൽ [ലയൺസ് ക്ലബ് ] വെച്ച് ജില്ലയിലെ കിഫയുടെ തിരഞ്ഞെടുക്കപ്പെട്ട പഞ്ചായത്ത് തല സമിതി അംഗങ്ങൾക്ക് വൈവിദ്യങ്ങളായ വിഷയങ്ങളിൽ നേതൃത്വ പരിശീലന ക്യാമ്പ് നടത്തുന്നു. അംഗങ്ങളിൽ നല്ല മനോഭാവം, അവതരണ ശൈലി, ആശയ വിനിമയവും നവ മാധ്യമ ഉപയോഗവും വിളനാശവും വന്യ മൃഗ അക്രമണവും ഉണ്ടായാൽ നഷ്ടപരിഹാര അപേക്ഷ എങ്ങനെ?, പഞ്ചായത്തീരാജ് നിയമവും കർഷകരും വിവരാവകാശ നിയമം എങ്ങനെ ഫലപ്രദമായി ഉപയോഗിക്കാം തുടങ്ങിയ വിഷയങ്ങൾ വിദഗ്ധരായ മോഡറേറ്റർമാർ കൈകാര്യം ചെയ്യും.
ക്യാമ്പ് രാവിലെ ഒൻപത് മുതൽ വൈകീട്ട് അഞ്ചു മണിവരെ ക്രമപ്പെടുത്തിയിരിക്കുന്നു. കിഫ പത്തനംതിട്ട ജില്ലാ പ്രസിഡന്റ് ജോളി കാലായിൽ, സംസ്ഥാന ലീഗൽ സെൽ ഡയറക്ടർ അഡ്വാ. ജോണി കെ ജോർജ്, ബിൻസു കൊക്കത്തോട്, മാത്യു ജോസഫ് , ആന്റണി തോമസ്, എം ടി പ്രസാദ്, വർഗീസ് കുളത്തുങ്കൾ, വിജോയ് തോമസ്, സ്റ്റീഫൻ എബ്രഹാം, വിനോദ് വാസുകുറുപ്പ് തുടങ്ങിയവർ നേതൃത്വം നൽകും.
