സോള്: ആറു വര്ഷം മുന്പ് കൊലപ്പെടുത്തിയെന്നു പറഞ്ഞ കിം ഉന്നിന്റെ പിതൃ സഹോദരി ജീവനോടെ വേദിയില്. ലോകം മരിച്ചുവെന്ന് പറഞ്ഞ് എഴുതി തള്ളിയ കിം കുടുംബത്തിലെ അംഗമാണ് ജീവനോടെ പൊതുവേദിയില് എത്തിയിരിക്കുന്നത്. പ്യോംഗ്യാംഗിലെ തീയെറ്ററില് നടന്ന ചാന്ദ്രപുതു വര്ഷാഘോഷ പരിപാടികളിലെ പ്രധാന അതിഥിയായാണ് 73കാരിയായ കിം ക്യോങ് ഉള്പ്പെടുത്തിയത്. നീണ്ട ഇടവേളയ്ക്ക് ശേഷം ഉത്തര കൊറിയന് ഏകാധിപതി കിം ജോങ് ഉന്നിന്റെ പിതൃസഹോദരി വീണ്ടും പൊതുവേദിയിലെത്തിയത്. വധശിക്ഷയ്ക്കു വിധിച്ചെന്ന അഭ്യൂഹങ്ങള് നിലനില്ക്കെയാണ് ആറു വര്ഷത്തിന് ശേഷം ഇവര് വീണ്ടും പൊതുവേദിയില് കിമ്മിനും ഭാര്യ റിസോള് ജുവിനുമൊപ്പം ഇരുന്ന് ചടങ്ങുകള് വീക്ഷിക്കുന്ന ചിത്രങ്ങളും ഉത്തരകൊറിയ പുറത്തുവിട്ടു.
കിം ജോങ് ഉന്നിന്റെ പിതാവ് കിം ജോങ് രണ്ടാമന്റെ ഒരേയൊരു സഹോദരിയാണിവര്. ഒരുകാലത്ത് വര്ക്കേഴ്സ് പാര്ട്ടിയുടെ ഡിപ്പാര്ട്ട്മെന്റല് ഡയറക്ടറായും ഫോര്-സ്റ്റാര് ആര്മി ജനറലായും കിം ക്യോങ് പ്രവര്ത്തിച്ചിട്ടുണ്ട്. 2008ല് കിം ജോങ് രണ്ടാമന് മസ്തിഷ്കാഘാതം ഉണ്ടായതിനു പിന്നാലെ ഹൃദയാഘാതത്താല് പിതാവ് മരിച്ചപ്പോള് 2011ല് കിം ജോങ് ഉന് അധികാരത്തിലെത്തുകയും ചെയ്തു.
