കോന്നി : തണ്ണിത്തോട് മേക്കണ്ണത്ത് ജനവാസമേഖലയിൽ ഇറങ്ങിയ രാജവെമ്പാലയെ പിടികൂടി വനത്തിൽ വിട്ടു. തണ്ണിത്തോട് ഫോറെസ്റ്റ് അധികൃതരുടെ നേതൃത്വത്തിൽ പാമ്പ് പിടുത്തത്തിൽ പരിശീലനം ലഭിച്ച പ്രസാദ് ആണ് പാമ്പിനെ പിടികൂടിയത്. രാജവെമ്പാലയെ ശബരിമല വനത്തിൽ വിട്ടയച്ചു. തണ്ണിത്തോട് ഡെപ്യൂട്ടി ഗ്രേഡ് റേഞ്ച് ഓഫീസർ ആർ സുനിൽ, സെക്ഷൻ ഫോറെസ്റ്റ് ഓഫീസർ എ എസ് മനോജ്‌, ബീറ്റ് ഫോറെസ്റ്റ് ഓഫീസർ കെ എസ് ശ്രീരാജ്, എം എസ് ഷിനോജ്, വി ഗോപകുമാർ തുടങ്ങിയവർ നേതൃത്വം നൽകി.
