തിരുവനന്തപുരം : വിഴിഞ്ഞത്ത് പെണ് സുഹൃത്തിനെ കാണാനെത്തിയ യുവാവ് ആഴിമലയില് മരിച്ച സംഭവത്തില് ഒരാള് കൂടി പിടിയില്. മൂന്നാം പ്രതി അരുണാണ് പിടിയിലായത്. മരിച്ച കിരണിനെ പിന്തുടര്ന്ന് കാര് ഓടിച്ചയാളാണ് അരുണ്. ഇതോടെ കേസില് പിടിയിലായവരുടെ എണ്ണം മൂന്നായി. കിരണ് ഫേസ്ബുക്കിലൂടെ പരിചയപ്പെട്ട് കാണാനെത്തിയ പെണ്കുട്ടിയുടെ സഹോരനും സഹോദരീ ഭര്ത്താവും നേരത്തെ പിടിയിലായിരുന്നു. ഇവരെ തെളിവെടുപ്പിനായി പോലീസ് കസ്റ്റഡിയില് വാങ്ങിയിട്ടുണ്ട്.
കിരണിനെ അന്യായമായി കസ്റ്റഡിലെടുത്ത് മര്ദ്ദിച്ചതിനാണ് പ്രതികള്ക്കെതിരെ വിഴിഞ്ഞം പോലീസ് കേസെടുത്തത്. തട്ടിക്കൊണ്ടു പോയതിന് 10 വര്ഷം വരെ തടവുശിക്ഷ കിട്ടാവുന്ന കുറ്റമാണ് ചുമത്തിയിരിക്കുന്നത്. ജൂലൈ 9നാണ് ഫേസ്ബുക്ക് വഴി പരിചയപ്പെട്ട പെണ്കുട്ടിയെ കാണാനെത്തിയ മൊട്ടമൂട് സ്വദേശി കിരണിനെ പെണ്കുട്ടിയുടെ സഹോദരനും ബന്ധുക്കളും ചേര്ന്ന് തട്ടിക്കൊണ്ടുപോയത്. പ്രതികള് തട്ടികൊണ്ടുപോയതിന് ശേഷം കിരണിനെ ആഴിമല കടലില് കാണാതാവുകയായിരുന്നു. കുളച്ചല് തീരത്ത് നിന്നാണ് കിരണിന്റെ മൃതദേഹം കണ്ടെത്തിയത്. ഡിഎന്എ പരിശോധനയിലാണ് മൃതദേഹം കിരണിന്റെതെന്ന് സ്ഥിരീകരിച്ചത്.
