കോഴിക്കോട് : പൊതു പണിമുടക്കിനെ തുടര്ന്ന് ശുചീകരണം നടക്കാത്തതിനാല് കോഴിക്കോട് സര്ക്കാര് മെഡിക്കല് കോളേജ് ആശുപത്രിയില് ശസ്ത്രക്രിയ മുടങ്ങി. ചൊവ്വാഴ്ച ശസ്ത്രക്രിയ നടത്തിയ തിയറ്റര് ശുചീകരിച്ചിരുന്നില്ല. ഇന്ന് രാവിലത്തെ ഷിഫ്റ്റില് ജീവനക്കാരെത്തിയാണു ശുചീകരണം നടത്താന് തുടങ്ങിയത്. ശസ്ത്രക്രിയകള് കുറച്ചു കഴിഞ്ഞു മാത്രമേ തുടങ്ങുകയുള്ളുവെന്നാണ് ഡോക്ടര്മാര് രോഗികളോട് പറഞ്ഞത്.
ശസ്ത്രക്രിയയ്ക്ക് വിളിക്കുന്നതും കാത്ത് പ്രധാന തിയറ്ററിനു മുന്പില് രോഗികളും കൂട്ടിരിപ്പുകാരും കാത്തിരിക്കുകയാണ്. യഥാസമയം ശുചീകരിക്കാത്തതിനാല് തിയറ്ററിലെ പല ഭാഗത്തും രക്തം കട്ടപിടിച്ചു കിടക്കുന്നതായാണ് പറയുന്നത്. നേരത്തെ തീയതി ലഭിച്ചവര്ക്കാണ് പ്രധാന തിയറ്ററില് നിന്ന് ശസ്ത്രക്രിയ നടത്തുന്നത്. ചൊവ്വാഴ്ച രാത്രി നേരത്തെ ഭക്ഷണം കഴിച്ചു ശസ്ത്രക്രിയയ്ക്കയി കാത്തിരുന്നവരാണ് ഇതില് ഏറെ പേരും.
