കണ്ണൂര്: അഴീക്കോട് മണ്ഡലത്തില് മത്സരിക്കുന്ന യുഡിഎഫ് സ്ഥാനാര്ത്ഥി കെഎം ഷാജിയുടെ നാമനിര്ദ്ദേശ പത്രിക സ്വീകരിച്ചു. ഷാജിയുടെ പത്രിക തള്ളണമെന്ന് എല്ഡിഎഫ് ആവശ്യപ്പെട്ടിരുന്നു.
ഷാജിയെ ആറ് വര്ഷത്തേക്ക് അയോഗ്യനാക്കിയ ഹൈക്കോടതി വിധി ചൂണ്ടിക്കാണിച്ചായിരുന്നു നേരത്തെ പത്രിക തള്ളണമെന്ന് എല്ഡിഎഫ് ആവശ്യപ്പെട്ടത്. വര്ഗീയത പറഞ്ഞ് ഷാജി വോട്ട് ചോദിച്ചെന്നായിരുന്നു പരാതി. എന്നാല് ഈ എതിര്പ്പുകളൊന്നും പരിഗണിക്കപ്പെട്ടില്ല.
അതിനിടെ ദേവികുളം, തലശ്ശേരി, ഗുരുവായൂര് മണ്ഡലങ്ങളില് എന്ഡിഎ സ്ഥാനാര്ത്ഥികളുടെ പത്രിക തള്ളിയിരുന്നു. ദേവികുളത്ത് എന്ഡിഎ സ്ഥാനാര്ഥിയുടെയും ഡമ്മിയുടെയും അടക്കം മൂന്ന് പേരുടെ പത്രിക തള്ളി. തലശ്ശേരിയില് ബിജെപി കണ്ണൂര് ജില്ലാ പ്രസിഡന്റ് എന് ഹരിദാസിന്റെ പത്രികയാണ് തള്ളിയത്.
