എഴുകോണ് : പെരിനാട് വെള്ളിമണില് കിണര് വൃത്തിയാക്കുന്നതിനിടെ അപകടത്തില്പ്പെട്ട് മരിച്ച ഗിരീഷ്കുമാറിന്റെ കുടുംബത്തിന് സഹായം ലഭ്യമാക്കാന് ഇടപെടുമെന്ന് മന്ത്രി കെ.എന്.ബാലഗോപാല്. എഴുകോണ് ഇരുമ്പനങ്ങാട്ടുള്ള ഗിരീഷിന്റെ വീട്ടിലെത്തി കുടുംബാംഗങ്ങളെ ആശ്വസിപ്പിക്കുകയായിരുന്നു മന്ത്രി. കശുവണ്ടി വികസന കോര്പ്പറേഷന്റെ പരുത്തന്പാറ ഫാക്ടറിയിലെ ജീവനക്കാരനായിരുന്നു ഗിരീഷ്.
ഗിരീഷിന്റെ ഭാര്യയും ഇതേ ഫാക്ടറിയിലാണ് ജോലി ചെയ്യുന്നത്. എഴുകോണ് ഗ്രാമപ്പഞ്ചായത്ത് പ്രസിഡന്റ് രതീഷ് കിളിത്തട്ടില്, വൈസ് പ്രസിഡന്റ് ആതിര ജോണ്സണ് , അംഗം ടി.ആര്.ബിജു, ബിജു ഫിലിപ്പ്, സി.പി.എം. ഏരിയാ സെക്രട്ടറി ജെ. രാമാനുജന്, ഏരിയാ കമ്മിറ്റി അംഗങ്ങളായ പി. തങ്കപ്പന് പിള്ള , കെ. ഓമനക്കുട്ടന്, എം.പി. മനേക്ഷ, എ. അഭിലാഷ് എന്നിവര് പങ്കെടുത്തു.
