അവശ്യ പോഷകങ്ങൾ അടങ്ങിയ സ്ട്രോബെറി വിവിധ ആരോഗ്യഗുണങ്ങളാണ് നൽകുക. വിറ്റാമിൻ സി, മാംഗനീസ്, ഫോളേറ്റ്, പൊട്ടാസ്യം എന്നിവയുടെ മികച്ച ഉറവിടമാണ് സ്ട്രോബെറി. ഓക്സിഡേറ്റീവ് സ്ട്രെസ്, വീക്കം എന്നിവയിൽ നിന്ന് ശരീരത്തെ സംരക്ഷിക്കാൻ സഹായിക്കുന്ന ആൻ്റിഓക്സിഡൻ്റുകളാലും സ്ട്രോബെറി സമ്പുഷ്ടമാണ്. സ്ട്രോബെറിയിൽ കലോറി കുറവും ഉയർന്ന നാരുകളുമാണുള്ളത്. സ്ട്രോബെറി കഴിച്ചാൽ ലഭിക്കുന്ന ആരോഗ്യഗുണങ്ങൾ അറിയാം.
വിറ്റാമിൻ സി, ആന്തോസയാനിൻ, എലാജിക് ആസിഡ് തുടങ്ങിയ ആൻ്റിഓക്സിഡൻ്റുകൾ അടങ്ങിയ സ്ട്രോബെറി ഹൃദ്രോഗം, കാൻസർ, പ്രമേഹം തുടങ്ങിയ രോഗങ്ങൽക്കുള്ള സാധ്യത കുറയ്ക്കുന്നു.
സ്ട്രോബെറിയിലെ ഉയർന്ന അളവിലുള്ള വിറ്റാമിൻ സി രോഗപ്രതിരോധ ശേഷി ശക്തിപ്പെടുത്തുന്നതിനും അണുബാധകളെ ചെറുക്കുന്നതിനും മൊത്തത്തിലുള്ള ആരോഗ്യം പ്രോത്സാഹിപ്പിക്കുന്നതിനും സഹായിക്കുന്നു. നാരുകൾ, ഫ്ലേവനോയ്ഡുകൾ, പൊട്ടാസ്യം എന്നിവ പോലുള്ള ഹൃദയാരോഗ്യ പോഷകങ്ങൾ സ്ട്രോബെറിയിൽ അടങ്ങിയിരിക്കുന്നു. സ്ട്രോബെറി പതിവായി കഴിക്കുന്നത് രക്തസമ്മർദ്ദം കുറയ്ക്കാനും ഹൃദ്രോഗ സാധ്യത കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കും. സ്ട്രോബെറിയിൽ തലച്ചോറിൻ്റെ ആരോഗ്യം മെച്ചപ്പെടുത്തുന്ന ആന്തോസയാനിൻ പോലുള്ള സംയുക്തങ്ങൾ അടങ്ങിയിട്ടുണ്ട്. ഇത് തലച്ചോറിനെ ഓക്സിഡേറ്റീവ് സമ്മർദ്ദത്തിൽ നിന്ന് സംരക്ഷിക്കുക ചെയ്യുന്നു. തലച്ചോറിൻ്റെ ആരോഗ്യം വർദ്ധിപ്പിക്കുന്ന ഭക്ഷണങ്ങൾ കഴിക്കുന്നത് തലച്ചോറിനെ സംരക്ഷിക്കുന്നതിന് ഗുണം ചെയ്യും.
