കൊച്ചി: കെഎസ്ഇബി ജീവനക്കാരന് ചമഞ്ഞ് തട്ടിപ്പ്. കൊച്ചി സ്വദേശിക്ക് നഷ്ടമായത് ലക്ഷങ്ങള്. കൊച്ചി കടവന്ത്ര സ്വദേശിയായ 70കാരന്റെ 7.95 ലക്ഷം രൂപയാണ് വിവിധ ഇടപാടുകളിലൂടെ തട്ടിയെടുത്തത്. പരാതിയില് കൊച്ചി സിറ്റി സൈബര് പോലീസ് കേസെടുത്ത് അന്വേഷണം ആരംഭിച്ചു. വീട്ടിലെ വൈദ്യുതി ബന്ധം വിച്ഛേദിക്കുമെന്ന വ്യാജ സന്ദേശത്തിലൂടെയാണ് ലക്ഷങ്ങള് തട്ടിയത്.
കഴിഞ്ഞ മാസം 18നാണ് തട്ടിപ്പിന്റെ തുടക്കം.വീട്ടിലെ വൈദ്യുതി ബന്ധം വിച്ഛേദിക്കുമെന്ന വ്യാജ സന്ദേശം ഫോണിലേക്ക് വന്നു. കെഎസ്ഇബിയുടെ സന്ദേശമെന്ന് കരുതി തന്നിരിക്കുന്ന നമ്പറിലേക്ക് വിളിച്ചു. കെഎസ്ഇബി ജീവനക്കാരന് എന്ന് സ്വയം പരിചയപ്പെടുത്തിയ തട്ടിപ്പുകാരന് ഉടന് തന്നെ സ്മാര്ട്ട്ഫോണില് ക്വിക്ക് സപ്പോര്ട്ട് സ്ക്രീന് ഷെയറിങ് ആപ്പ് ഇന്സ്റ്റാള് ചെയ്യാന് പറഞ്ഞു. തുടര്ന്ന് ഈ ആപ്പ് വഴി ഇലക്ട്രിസിറ്റി ബില് അടയ്ക്കാന് നിര്ദേശിച്ചു. ഇതനുസരിച്ച് ബില് അടച്ച തനിക്ക് ലക്ഷങ്ങള് നഷ്ടമായെന്നാണ് പരാതിയില് പറയുന്നത്. ആപ്പ് ഇന്സ്റ്റാള് ചെയ്തതോടെ, പരാതിക്കാരന്റെ ബാങ്കിങ് വിവരങ്ങള് മുഴുവന് ചോര്ത്തിയാണ് തട്ടിപ്പ് നടത്തിയിരിക്കുന്നതെന്നാണ് പോലീസ് പറയുന്നത്.