കൊട്ടാരക്കര : അന്യസംസ്ഥാന തൊഴിലാളികളെ അവരുടെ നാട്ടിലേക്ക് വിട്ടയക്കുന്ന അതേ പ്രാധാന്യത്തോടെ അന്യ സംസ്ഥാനങ്ങളില് കുടുങ്ങിക്കിടക്കുന്ന മലയാളികളെ തിരികെ നാട്ടിലെത്തിക്കുന്നതിന് സംസ്ഥാന സര്ക്കാര് അടിയന്തിര നടപടികള് സ്വീകരിക്കണമെന്ന് കെ.പി.സി.സി വര്ക്കിംഗ് പ്രസിഡന്റ് കൊടിക്കുന്നില് സുരേഷ് എം.പി ആവശ്യപ്പെട്ടു.
കോവിഡ് 19നെത്തുടര്ന്ന് ലോക്ഡൗണ് പ്രഖ്യാപിച്ച് ആഭ്യന്തര വിമാന സര്വ്വീസുകളും ട്രെയിന് സര്വ്വീസുകളും നിര്ത്തിവെച്ച സാഹചര്യത്തില് കേരളത്തിനു പുറത്ത് പണിയെടുക്കുന്ന പതിനായിരക്കണക്കിന് മലയാളികള് നാട്ടിലെത്താനാവാതെ കുടുങ്ങിക്കിക്കുകയാണ്. ഇവര് നാട്ടിലെത്താനുള്ള അപേക്ഷകളും നിവേദനങ്ങളുമായി നിരന്തരം സംസ്ഥാന സര്ക്കാരിനെ സമീപിച്ചുകൊണ്ടിരിക്കുകയാണെങ്കിലും സംസ്ഥാന സര്ക്കാര് ഇക്കാര്യത്തില് യാതൊരു നടപടിയും സ്വീകരിക്കാതെ ഒഴിഞ്ഞുമാറുകയാണെന്ന് കൊടിക്കുന്നില് സുരേഷ് എം.പി കുറ്റപ്പെടുത്തി.
The post അന്യസംസ്ഥാനങ്ങളില് കുടുങ്ങിക്കിടക്കുന്ന മലയാളികളെ എത്രയുംവേഗം നാട്ടിലെത്തിക്കണം ; കൊടിക്കുന്നില് സുരേഷ് appeared first on Pathanamthitta Media.
