കൊച്ചി: വിവാദങ്ങളില് ഉലയാതെ പാര്ട്ടിയെ കെട്ടുറപ്പോടെ മുന്നോട്ടുനയിച്ച കോടിയേരി ബാലകൃഷ്ണനെ വീണ്ടും സി.പി.എം സംസ്ഥാന സെക്രട്ടറിയായി തെരഞ്ഞെടുക്കപ്പെട്ടു. കൊച്ചിയില് സമാപിച്ച സംസ്ഥാന സമ്മേളനത്തിലാണ് കോടിയേരിയെ സെക്രട്ടറിയായി തെരഞ്ഞെടുത്തതെന്ന് ജനറല് സെക്രട്ടറി സീതാറാം യെച്ചൂരി അറിയിച്ചു. തുടര്ച്ചയായ മൂന്നാം തവണയാണ് കോടിയേരി സംസ്ഥാന സെക്രട്ടറിയാകുന്നത്. നിലവില് സി.പി.എം പൊളിറ്റ് ബ്യൂറോ അംഗവും ദേശാഭിമാനി ചീഫ് എഡിറ്ററുമാണ്.
2006 മുതല് 2011 വരെ സംസ്ഥാന ആഭ്യന്തര, വിനോദസഞ്ചാര മന്ത്രിയായിരുന്നു. തലശ്ശേരി മണ്ഡലത്തില് നിന്നാണ് 2001 മുതല് 2016 വരെ എം.എല്.എയായത്. 2011-16ല് പ്രതിപക്ഷ ഉപനേതാവായിരുന്നു. 2015 ഫെബ്രുവരി 23ന് ആലപ്പുഴയില് നടന്ന ഇരുപത്തിയൊന്നാം സി.പി.എം സംസ്ഥാനസമ്മേളനത്തിലാണ് കോടിയേരി ബാലകൃഷ്ണനെ ആദ്യമായി സംസ്ഥാനസെക്രട്ടറിയായി തെരഞ്ഞെടുത്തത്. 2018 ഫെബ്രുവരി 26ന് തൃശൂരില് നടന്ന ഇരുപത്തിരണ്ടാം സംസ്ഥാനസമ്മേളനത്തില് വീണ്ടും തെരെഞ്ഞെടുത്തു.
