തിരുവനന്തപുരം : കേളി കലാസാംസ്കാരിക വേദിയുടെ ആഭിമുഖ്യത്തിൽ കോടിയേരി ബാലകൃഷ്ണൻ അനുസ്മരണം സംഘടിപ്പിച്ചു. തലശേരിമലബാർ കാൻസർ കെയർ സെന്ററിലെത്തുന്ന രോഗികൾക്കും കൂട്ടിരിപ്പുകാർക്കും ആറുമാസത്തെ ഭക്ഷണം നൽകാനുള്ള പദ്ധതി സമ്മേളനത്തിൽ പ്രഖ്യാപിച്ചു. കോടിയേരി ബാലകൃഷ്ണൻ സ്മാരക സാന്ത്വന കേന്ദ്രമായ ആശ്രയ ചാരിറ്റബിൾ സൊസൈറ്റിയുമായി സഹകരിച്ച് കൊണ്ടാണ് പദ്ധതി നടപ്പിലാക്കുക. ഹൃദയപൂർവ്വം കേളി പദ്ധതിയിൽ ഉൾപ്പെടുത്തിയാണ് ഭക്ഷണ വിതരണം നടത്തുന്നത്.
കോടിയേരി ബാലകൃഷ്ണന്റെ ഒന്നാം ചരമ വാർഷികം കേളിയുടെ പതിനഞ്ച് രക്ഷധികാരി സമിതികളുടെ നേതൃത്വത്തിൽ രണ്ടു ദിവസങ്ങളിലായി പന്ത്രണ്ട് ഇടങ്ങളിലായാണ് സംഘടിപ്പിച്ചത്. ആദ്യ ദിനത്തിൽ സുലൈ, നസീം, റോദ, ന്യൂ സനയ്യ എന്നീ രക്ഷാധികാരി സമിതികളുടെ നേതൃത്വത്തിലും ബത്ത – മർഗ്ഗബ് – സനയ്യ അർബൈൻ എന്നീ സമിതികൾ സംയുക്തമായും രണ്ടാം ദിനം അൽഖർജ്, ഉമ്മുൽ ഹമാം, അസിസിയ, മുസ്ഹാമിയ, ദവാത്മി, ബദിയ എന്നീ സമിതികളുടെ നേതൃത്വത്തിലും ഒലയ്യ – മലാസ് എന്നീ സമിതികൾ സംയുക്തമായുമാണ് അനുസ്മരണം സംഘടിപ്പിച്ചത്.
