തിരുവനന്തപുരം : സ്വപ്ന സുരേഷ് നടത്തുന്ന വെളിപ്പെടുത്തല് നാടകത്തിന് പിന്നില് ബിജെപി – യുഡിഎഫ് ഗൂഢാലോചനയാണെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്. എല്.ഡി.എഫ് ബഹുജന സംഗമം ഉദ്ഘാടനം ചെയ്യുകയായിരുന്നു അദ്ദേഹം. കേന്ദ്ര ഏജന്സികളുടെ കൈയ്യിലെ കളിപ്പാവയാണ് സ്വപ്ന. ഇതൊന്നും ഈ കേരളത്തില് വിലപ്പോവില്ല. വികസന പദ്ധതികള് അട്ടിമറിക്കാനും നാട്ടില് കലാപം വിതയ്ക്കാനും കോണ്ഗ്രസും ബി.ജെ.പിയും ശ്രമിക്കുകയാണെന്ന് അദ്ദേഹം ആരോപിച്ചു. ഈ തീക്കളി നിര്ത്തിയില്ലെങ്കില് ജനം കാര്യങ്ങള് പഠിപ്പിക്കും. സമരാഭാസത്തിന് മുന്നില് കീഴടങ്ങാന് സര്ക്കാരും എല്ഡിഎഫും തയ്യാറല്ലെന്നും മുഖ്യമന്ത്രിയെ ആക്രമിക്കാനുള്ള ശ്രമത്തെ ജനങ്ങള് ചെറുക്കുമെന്നും കോടിയേരി വ്യക്തമാക്കി. കാനം രാജേന്ദ്രന് എല്.ഡി.എഫ് ബഹുജന സംഗമത്തില് അധ്യക്ഷത വഹിച്ചു.
സ്വപ്ന സുരേഷ് നടത്തുന്ന വെളിപ്പെടുത്തല് നാടകത്തിന് പിന്നില് ബിജെപി – യുഡിഎഫ് ഗൂഢാലോചന : കോടിയേരി
RECENT NEWS
Advertisment