പത്തനംതിട്ട: പ്രായപൂര്ത്തിയാവാത്ത പ്രതികളെക്കൊണ്ട് പോലീസ് മൃതദേഹമെടുപ്പിച്ച സംഭവത്തില് ബാലാവകാശ കമ്മീഷന് സ്വമേധയാ കേസെടുത്തു. സംഭവത്തില് ജില്ല കളക്ടറോടും ജില്ല പോലീസ് മേധാവിയോടും രണ്ടാഴ്ചക്കുള്ളില് വിശദീകരണം നല്കാനും ആവശ്യപ്പെട്ടു. ജുവനൈല് ജസ്റ്റിസ് ആക്ട് അറിയാത്തവരാണോ പോലീസുകാരെന്നും കമ്മീഷന് ചോദിച്ചു.
കഴിഞ്ഞ ദിവസം പത്തനംതിട്ട കൊടുമണ്ണിലാണ് സംഭവം നടന്നത്. അഖില് എന്ന 16 വയസുകാരനെ കൊന്നു കുഴിച്ചു മൂടിയ സംഭവത്തില് പ്രായപൂര്ത്തിയാവാത്ത പ്രതികളെക്കൊണ്ടു തന്നെ പോലീസ് മൃതദേഹം പുറത്തെടുപ്പിക്കുകയായിരുന്നു. ഇതിന്റെ ദൃശ്യം സമൂഹമാധ്യമങ്ങള് വഴി പ്രചരിച്ചിരുന്നു. ഈ ദൃശ്യങ്ങള് ശ്രദ്ധയില്പെട്ടതോടെയാണ് ബാലാവകാശ കമ്മീഷന് സംഭവത്തില് സ്വമേധയാ കേസെടുത്തത്. ബാലാവകാശ നിയമങ്ങള് പാലിക്കേണ്ടവരാണ് പോലീസ് എന്ന് ഓര്ക്കണമെന്നും കമ്മീഷന് പറഞ്ഞു.
The post പ്രായപൂര്ത്തിയാവാത്ത പ്രതികളെക്കൊണ്ട് പോലീസ് മൃതദേഹമെടുപ്പിച്ച സംഭവത്തില് ബാലാവകാശ കമ്മീഷന് സ്വമേധയാ കേസെടുത്തു appeared first on Pathanamthitta Media.
