കൊടുമൺ : വൈസ് മെൻ ഇന്റർനാഷണൽ കൊടുമൺ സെൻട്രൽ ക്ലബ്ബിന്റെ സിൽവർ ജുബിലി ആഘോഷങ്ങൾക്ക് തുടക്കം കുറിച്ച് പുതിയ ഭാരവാഹികളുടെ സ്ഥാനാരോഹണ ചടങ്ങ് കൊടുമൺ സർക്കിൽ ഇൻസ്പെക്ടർ വിനോദ് പി ഉത്ഘാടനം ചെയ്തു. പ്രസിഡന്റ് ജയ് സി ജോർജ് അധ്യക്ഷത വഹിച്ചു. വൈസ് മെൻ മധ്യ തിരുവിതാകൂർ, സോൺ ഒന്നിന്റെ ലെഫ്റ്നന്റ് റീജണൽ ഡയറക്ടർ അഡ്വ. എബി തോമസ് പുതിയ ഭാരവാഹികളെ ചുമതലകളിൽ അവരോധിക്കുകയും ചെയ്തു. സിൽവർ ജൂബിലി ആഘോഷങ്ങളുടെ ഒരു വർഷം നീണ്ട് നിൽക്കുന്ന ആഘോഷങ്ങളുടെ ഭാഗമായി സമൂഹത്തെ കാർന്നു തിന്നുന്ന മദ്യം, മയക്ക് മരുന്ന് ഉപയോഗം സമൂഹത്തിൽ നിർമ്മാർജ്ജനം ചെയ്യുന്നതിനുള്ള വിവിധ പദ്ധതികൾ പോലീസ്, എക്സൈസ് വകുപ്പും മറ്റ് സന്നദ്ധ സംഘടനകളെയും പങ്കെടുപ്പിച്ച് ആസൂത്രണം ചെയ്ത് നടപ്പാക്കുന്നതിനും തീരുമാനിച്ചു.
ക്ലബ്ബിന്റെ കുടുംബ പ്രവർത്തനങ്ങളുടെ ഭാഗമായി അംഗങ്ങളുടെ മക്കളിൽ പത്താം തരം, പ്ലസ് ടു, ഉന്നത വിദ്യാഭ്യാസ മേഖലയിൽ ഉന്നതവിജയം നേടിയവർക്കുള്ള ഉപഹാരം വൈസ് മെൻ മുൻ ഡിസ്ട്രിക്ട് ഗവർണർ മാത്യു മാതിരംപള്ളിലും സാമൂഹിക സേവന പദ്ധതികളുടെ ഭാഗമായി ഒരു രോഗിക്കുള്ള ചികിത്സാ സഹായധനം ഡിസ്ട്രിക്ട് ഗവർണർ ജേക്കബ് വൈദ്യനും നിർവ്വഹിച്ചു. വൈസ് മെൻ കുടുംബാംഗങ്ങൾ അവതരിപ്പിച്ച വൈവിധ്യങ്ങളായ കലാ പരിപാടികളും ചടങ്ങിന് മിഴിവേകി. ഡിസ്ട്രിക്ട് സെക്രട്ടറി നിഷ എബി, വിജയൻ നായർ, അജികുമാർ രണ്ടാംകുറ്റി, ശ്രീജിത്ത് ഭാനുദേവ്, വാസുദേവൻ വി, വിജയകുമാർ പി സി, അനിൽ ബി സക്കറിയ, ലിജി ജോൺസൻ, ജോമോൾ വിത്സൻ, സുജ അനിൽ, മണി വിജയ്, ചന്ദ്ര ബാബു തുടങ്ങിയവർ പ്രസംഗിച്ചു.
