കോന്നി : കൊക്കാതോട് ആരെബിൾ ലാൻഡിൽ റോഡിലെ ചപ്പാത്തിൽ കലുങ്ക് നിർമ്മിക്കണം എന്ന ആവശ്യം ശക്തമാകുന്നു. കലേലി കൊക്കാതോട് റോഡിൽ ആരെബിൾ ലാൻഡിൽ ചപ്പാത്ത് ഉള്ളിടത്ത് റോഡിനു കുറുകെ ഉള്ള തോട്ടിൽ നിന്നും മഴക്കാലത്ത് ശക്തമായ രീതിയിൽ വെള്ളം ഒഴുക്ക് ഉണ്ടാവാറുണ്ട്. ഈ സമയങ്ങളിൽ റോഡിൽ വലിയ വാഹനങ്ങൾക്ക് പോലും കടന്നു പോകുവാൻ കഴിയാത്ത അവസ്ഥയാനുള്ളത്. മാത്രമല്ല ഇവിടെ മഴക്കാലത്ത് ഉയരുന്ന വെള്ളം വീടുകളിലേക്കും കയറുന്നത് പതിവാണ്. മാത്രമല്ല റോഡിലെ ഈ ഭാഗത്ത് അപകടകരമായ ഭാഗത്ത് ക്രാഷ് ബാരിയറും സ്ഥാപിച്ചിട്ടില്ല. കൊക്കാതോട് പ്രദേശത്തെ നിരവധി ആളുകൾ ഈവഴി ദിനം പ്രതി യാത്ര ചെയ്യുന്നുണ്ട്. ഇവിടെ കലുങ്ക് നിർമ്മിച്ചെങ്കിൽ മാത്രമേ പ്രശ്നത്തിന് ശ്വാശ്വത പരിഹാരം കാണുവാൻ കഴിയു.
