കൊല്ലം : താന്നി ബീച്ചിനു സമീപം ബൈക്ക് ടെട്രാപോഡില് ഇടിച്ച് മൂന്നുപേര് മരിച്ചു. മരിച്ച മൂന്നുപേരും മല്സ്യത്തൊഴിലാളികളാണ്. ഒരു ബൈക്കിലാണ് മൂന്ന് പേരും സഞ്ചരിച്ചത്. പരവൂര് ചില്ലയ്ക്കല് സ്വദേശികളായ അല്അമീന്, മാഹിന്, സുധീര് എന്നിവരാണ് മരിച്ചത്. ശക്തി കുളങ്ങരയില് മീനെടുക്കാന് പോകുന്ന വഴിയാണ് അപകടം സംഭവിച്ചത്. പുലര്ച്ചെ 1മണിക്കും മൂന്നു മണിക്കും ഇടയിലാണ് അപകടം നടന്നതെന്നാണ് പോലീസിന്റെ നിഗമനം.
രാവിലെ നടക്കാനിറങ്ങിയവരാണ് അപകടത്തില്പെട്ട് മൂന്നു പേര് മരിച്ചു കിടക്കുന്നതായി പോലീസിനെ വിവരം അറിയിച്ചത്. സംഭവസ്ഥലത്തെത്തിയ പോലീസ് മൃതദേഹങ്ങള് കൊല്ലം താലൂക്ക് ആശുപത്രിയിലേയ്ക്ക് മാറ്റി. രക്തം വാര്ന്നാണ് മരണം സംഭവിച്ചത്. തീരദേശപാത ആയതിനാല് ഇതു വഴി വാഹനങ്ങളുടെയും ആളുകളുടെയും സഞ്ചാരം വളരെ കുറവാണ് ഇതാണ് അപകടത്തെക്കുറിച്ച് വിവരം അറിയന് വൈകിയതെന്ന് പോലീസ് പറഞ്ഞു.
