കൊല്ലം : പ്രസവത്തെത്തുടര്ന്ന് വിക്ടോറിയ ആശുപത്രിയില് യുവതി മരിച്ച സംഭവത്തില് ഇന്ന് പ്രത്യേക മെഡിക്കല് സംഘം അന്വേഷണം നടത്തുമെന്ന് ഡിഎംഒ അറിയിച്ചു. ഓച്ചിറ ക്ലാപ്പന ആലുംപീടിക പടിഞ്ഞാറേമണ്ണേല് വിനോദിന്റെ ഭാര്യ ചാന്ദന (27) ആണ് മരിച്ചത്. പ്രസവത്തിന് പിന്നാലെ അമിത രക്തസ്രാവമുണ്ടായാണ് മരണം. അതെസമയം ആശുപത്രിക്കെതിരേ ബന്ധുക്കള് വെള്ളിയാഴ്ച പ്രതിഷേധവുമായി രംഗത്തെത്തിയിരുന്നു.
യുവതിയുടെ ആരോഗ്യനില യഥാസമയം അറിയിക്കുകയോ വിദഗ്ധ ചികിത്സ ലഭ്യമാക്കുകയോ ചെയ്യാതെ ആശുപത്രി അധികൃതര് അനാസ്ഥ കാട്ടിയതായി ബന്ധുക്കള് ആരോപിക്കുന്നു. കുഞ്ഞിനും യാതൊരു വിധ ചികിത്സയും നല്കാതെ അച്ഛന്റെ ബന്ധുക്കളെ ഏല്പ്പിക്കുകയായിരുന്നു എന്നു പരാതിയില് പറയുന്നു. കുഞ്ഞിനെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്. മരണത്തെ തുടര്ന്ന് യുവതിയുടെ ബന്ധുക്കളും മറ്റും ആളുപത്രിയില് പ്രതിക്ഷേധം നടത്തി.
