കോന്നി : കർഷകദ്രോഹ ബില്ലിനെതിരെ രാജ്യവ്യാപക പ്രതിഷേധത്തിന്റെ ഭാഗമായി കോന്നിയിൽ കോൺഗ്രസ്റ്റ് മണ്ഡലം കമ്മറ്റിയുടെ നേതൃത്വത്തിൽ കർഷകരുടെ നേതൃത്വത്തിൽ പാള തൊപ്പി ഏന്തിയ കർഷക കൂട്ടായ്മ സംഘടിപ്പിച്ചു.
കാർഷിക മേഖലയിൽ സ്വകാര്യവത്ക്കരണം നടത്തുന്ന തരത്തിലുള്ള കടന്നുകയറ്റം ജനാധിപത്യ രാജ്യത്തിന് അപമാനകരമാണ്. കുത്തക മുതലാളിമാർക്ക് കാർഷിക മേഖല തീറെഴുതിക്കൊടുക്കുന്ന നടപടി ജനകീയ സമരങ്ങളിലൂടെ പ്രതിരോധിക്കുമെന്ന് കോന്നി കോൺഗ്രസ്സ് മണ്ഡലം കമ്മറ്റിയുടെ നേതൃത്വത്തിൽ നടത്തിയ കർഷക പ്രതിക്ഷേധ സമരം ഉദ്ഘാടനം ചെയ്ത് മുൻ ഡി.സി.സി പ്രസിഡന്റ് പി.മോഹൻ രാജ് പറഞ്ഞു.
മണ്ഡലം പ്രസിഡന്റ് റോജി ഏബ്രഹാം അദ്ധ്യക്ഷത വഹിച്ചു. കോന്നിയൂർ പി.കെ, ഗ്രാമ പഞ്ചായത്ത് പ്രസിഡന്റ് രജനി എം, ശ്യാം. എസ് കോ ന്നി, കർഷക കോൺഗ്രസ്സ് മണ്ഡലം പ്രസിഡന്റ് രവീന്ദ്രനാഥ് നീരേറ്റ്, മോൻസി ഡാനിയേൽ, സിറാജുദീൻ,ഷിജു അറപ്പുരയിൽ, പ്രീയ എസ് തമ്പി, പ്രവീൺ പ്ലാവിളയിൽ, ഫൈസൻ കോന്നി , എൻ.എൻ രാജപ്പൻ, തോമസ് കാലായിൽ,തോമസ് മാത്യു, അജയകുമാർ, തമ്പി മലയിൽ,രാജു ആദിനാട്ടിൽ, രാജു വെട്ടത്തേത്ത് ജാനമ്മ സുരേന്ദ്രൻ എന്നിവർ പ്രസംഗിച്ചു.
