കോന്നി : കോന്നി ഗ്രാമപഞ്ചായത്ത് തല സ്കൂൾ പ്രവേശനോത്സവം കോന്നി താഴം ഗവണ്മെന്റ് യു.പി സ്കൂളിൽ ഗ്രാമപഞ്ചായത്ത് പ്രസിഡന്റ് റോജി എബ്രഹാം ഉദ്ഘാടനം ചെയ്തു. പി.ടി.എ പ്രസിഡന്റ് അനീഷ് കുമാർ അധ്യക്ഷത വഹിച്ചു. പ്രഥമാധ്യാപിക അമ്പിളി ഗോപാൽ സ്വാഗതം ആശംസിച്ചു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ അനിതാ ബിജു നവാഗതർക്ക് സമ്മാനങ്ങൾ നൽകി സ്വീകരിച്ചു. വാർഡ് മെമ്പർ ശ്യാംകുമാർ പി.എസ്, സി.എം കിഡ്സ് സ്കോളർഷിപ്പ് വിജയി ചിന്മയി മിധുനെ അനുമോദിച്ചു.
വാർഡ് മെമ്പർമാരായ കെ.പി ശിവദാസ്, സിന്ധു എം.ബി, ജയകുമാർ എൻ, തോമസ് വർഗീസ്, പ്രവീൺ പി.വി, ജയരാജ് പി.വി, എസ്.എസ്.ജി അംഗം മിഥുൻ മോഹൻ, സീനിയർ അസിസ്റ്റന്റ് ഷേർളി കോശി എന്നിവര് പ്രസംഗിച്ചു. കോന്നിയുടെ അനുഗ്രഹീത കലാകാരൻ അൻസു കോന്നി കുട്ടികളോടൊപ്പം പരിപാടികൾ അവതരിപ്പിച്ചു പ്രവേശനോത്സവ പരിപാടി മനോഹരമാക്കി.
