പത്തനംതിട്ട :കോന്നി കല്ലേലി ഊരാളി അപ്പൂപ്പൻ കാവിലെ കല്ലേലി കാവ് ഏർപ്പെടുത്തിയ 2022 ലെ ബഹുമുഖ പ്രതിഭാ പുരസ്കാരം പ്രഖ്യാപിച്ചു. നാടൻ പാട്ട് കലാരംഗത്ത് പ്രവർത്തിക്കുന്ന പത്തനംതിട്ട വലഞ്ചുഴി മുരുപ്പേല് വീട്ടില് പ്രമാടം ഗ്രാമ പഞ്ചായത്ത് പ്രസിഡന്റ് കൂടിയായ എൻ. നവനീത് ആണ് ബഹുമുഖ പ്രതിഭാ പുരസ്കാരത്തിന് അര്ഹനായത്. 2022 ആഗസ്റ്റ് മാസം 21 ന് രാവിലെ പത്ത് മണിയ്ക്ക് കല്ലേലി കാവിൽ വെച്ച് പ്രതിഭാ പുരസ്കാരം കൈമാറും.
കനൽ പാട്ട്ക്കൂട്ടം നാടൻ പാട്ട് സംഘത്തിലെ അംഗവും കേരള സാംസ്ക്കാരിക വകുപ്പ് കേരള ലോക്ഫോര് അക്കാഡമി എന്നിവയുടെ വജ്ര ജൂബിലി ഫെലോഷിപ്പ് നേടിയിട്ടുണ്ട്. ഇലന്തൂര് , വലഞ്ചുഴി പടയണി സംഘത്തിലെ അംഗമാണ്. ഇന്ത്യയിലും പുറത്തും നൂറുകണക്കിന് വേദികളില് നാടന് പാട്ടും നാട്ടു കലകളും കൊട്ടി പാടുകയും കെട്ടിയാടുകയും ചെയ്യുന്ന എന്.നവനീത് നിരവധി പുരസ്ക്കാരങ്ങള് നേടിയിട്ടുണ്ട് .
