മല്ലപ്പള്ളി : കൊറ്റനാട് പഞ്ചായത്ത് ഏഴാം വാർഡ് വൃന്ദാവനം ഡിവിഷൻ ഉപതെരഞ്ഞെടുപ്പ് ചൊവ്വാഴ്ച നടക്കും. എസ്.സി. വി ഹയർക്കെൻഡറി സ്കൂളിൽ രണ്ട് ബൂത്തുകളിലായി രാവിലെ ഏഴു മുതൽ വൈകീട്ട് ആറുവരെയാണ് വോട്ടെടുപ്പ്. എൽ.ഡി.എഫിലെ റോബി എബ്രഹാം, യു.ഡി.എഫിലെ സനോഷ് കാവുങ്കൽ, ബി.ജെ.പിയിലെ പി.ടി സുധ എന്നിവരാണ് മത്സര രംഗത്ത്. വാർഡിൽ 1194 വോട്ടർമാരുള്ളത്. വാർഡ് അംഗമായിരുന്ന സി.പി.ഐയിലെ മനോജ് ചരളേൽ തിരുവിതാംകൂർ ദേവസ്വം ബോർഡ് അംഗമായതിനെ തുടർന്ന് രാജിവെച്ചതിനെ തുടർന്നാണ് ഉപതെരഞ്ഞെടുപ്പ് നടക്കുന്നത്.
സീറ്റ് നിലനിർത്താൻ കഴിയുമെന്ന വിശ്വാസത്തിൽ തന്നെയാണ് എൽ.ഡി.എഫ് നേതൃത്വം ഇതിനായുള്ള ചിട്ടയായ പ്രചാരണ പരിപാടികളാണ് മുൻ നിര നേതാക്കളുടെ നേതൃത്വത്തിൽ വാർഡിൽ നടത്തി വന്നത്. എന്നാൽ വാർഡ് പിടിച്ചെടുക്കാനുള്ള ശ്രമത്തിലാണ് യു.ഡി.എഫും ബി.ജെ.പി നേതൃത്വവും. 13 അംഗ പഞ്ചായത്തിൽ എൽ.ഡി.എഫ് ഏഴ്, ബി.ജെ.പി നാല്, യു.ഡി.എഫ് ഒന്ന് എന്നിങ്ങനെയാണ് നിലവിലെ കക്ഷിനില.
