മല്ലപ്പള്ളി : മഴക്കാല പൂർവ ശുചികരണത്തിന്റെ ഭാഗമായി പഞ്ചായത്ത് പ്രദേശങ്ങളിൽ ശുചീകരണ പ്രവർത്തനങ്ങൾ ആരംഭിച്ചു. ആരോഗ്യ പ്രവർത്തകരുടെയും ആശാ പ്രവർത്തകരുടെയും മറ്റും നേതൃത്വത്തിൽ മാലിന്യമേഖലകൾ കണ്ടെത്തുന്നതിനുള്ള സന്ദർശനങ്ങൾ ആരംഭിച്ചു. പ്രതിരോധ പ്രവർത്തനങ്ങൾ ഊർജിതമാക്കി. ഊരു കുഴി തോട് മാലിന്യമുക്തമാക്കി ആഴം കൂട്ടി നിരോഴുക്ക് സുഗമമാക്കുന്നതിനുള്ള നടപടികൾ ആരംഭിച്ചു.
വെള്ളം കെട്ടികിടക്കുന്നതിനുള്ള സാഹചര്യങ്ങൾ ഒഴിവാക്കണമെന്നും വീടും പരിസരങ്ങളിലും ശുചിത്വം പാലിക്കണമെന്നുമുള്ള നിർദ്ദേശങ്ങൾ ആശാ പ്രവർത്തകർ വാർഡുകൾ കേന്ദ്രികരിച്ച് നൽകുന്നുണ്ട്. റമ്പർ തോട്ടങ്ങളിലെ ചിരട്ടകളിൽ വെള്ളം കെട്ടി കൂത്താടിയും കൊതുകും പെരുകുന്നതിന് കാരണമാകുന്നതിനാൽ റബർ തോട്ടങ്ങളിലെ ചിരട്ടകൾ കമഴ്ത്തി വെച്ചിരിക്കുന്നതിനുള്ള നടപടികളും ആരംഭിച്ചു.
