കോട്ടക്കല്‍: ഓടിക്കൊണ്ടിരുന്ന ആംബുലന്‍സില്‍നിന്ന് തെറിച്ചുവീണ നഴ്സിന് ഗുരുതര പരിക്ക്. തിരൂര്‍ കുറ്റിപ്പാലയില്‍ ഇന്ന് രാവിലെയായിരുന്നു സംഭവം. തലക്ക് പരിക്കേറ്റ 108 ആംബുലന്‍സിലെ നിത്യ എന്ന നഴ്സിനെ മഞ്ചേരി മെഡിക്കല്‍ കോളേജില്‍ പ്രവേശിപ്പിച്ചു. തിരൂരില്‍നിന്ന് മലപ്പുറം ഭാഗത്തേക്ക് പോകുകയായിരുന്ന ആംബുലന്‍സാണ് അപകടത്തില്‍പ്പെട്ടത്. സ്ഥിരം അപകടമേഖലയായ കുറ്റിപ്പാല വളവില്‍ വെച്ച്‌ ആംബുലന്‍സില്‍നിന്ന് നഴ്സ് പുറത്തേക്ക്വീഴുകയായിരുന്നു. മുന്‍വശത്തെ സീറ്റിലാണ് നഴ്സ് ഇരുന്നിരുന്നത്. ഉടന്‍ തന്നെ ഈ ആംബുലന്‍സില്‍ ഇവരെ മഞ്ചരി മെഡിക്കല്‍ കോളേജില്‍ എത്തിച്ചു.
