കൊറ്റനാട് ഗ്രാമ പഞ്ചായത്തിൽ പ്രസിഡന്റ് തെരഞ്ഞെടുപ്പ് നാളെ

മല്ലപ്പള്ളി : കൊറ്റനാട് ഗ്രാമ പഞ്ചായത്തിൽ പ്രസിഡന്റ് തെരഞ്ഞെടുപ്പ് നാളെ നടക്കും. രാവിലെ 11.30 ന് പഞ്ചായത്ത് കോൺഫറൻസ് ഹാളിലാണ് തെരഞ്ഞെടുപ്പ്. പ്രസിഡന്റായിരുന്ന മനോജ് ചരളേൽ ദേവസ്വം ബോർഡ് മെമ്പറായതിനെ തുടർന്ന് പ്രസിഡന്റ് സ്ഥാനം രാജിവെച്ചിരുന്നു. ഇതിനെ തുടർന്നാണ് പഞ്ചായത്തിൽ പ്രസിഡന്റ് തെരഞ്ഞെടുപ്പ് നടക്കുന്നത്. ആരോഗ്യ വിദ്യാഭ്യാസ സ്റ്റാൻഡിങ് കമ്മറ്റി ചെയർമാനായിരുന്ന സി പി ഐയിലെ പ്രകാശ് പി. സാം പ്രസിഡന്റാകാനാണ് സാധ്യത. 13 അംഗ പഞ്ചായത്തിൽ സി.പി.ഐക്കും, സി.പിഎമ്മിനും ബി.ജെ.പിക്കും നാല് വീതവും കോൺഗ്രസ് ഒന്ന് എന്നിങ്ങനെയായിരുന്നു കക്ഷിനില.