കോട്ടയം: കോട്ടയത്തെ താലൂക്ക് അദാലത്തില് ചലനശേഷി നഷ്ടമായ മകനെ സ്കൂളില് കുട്ടികള് കളിയാക്കുന്നുവെന്ന പരാതിയുമായി വീട്ടമ്മ. കാലിന് ചലനശേഷി നഷ്ട്ടപ്പെട്ട ശ്രീഹരി മകന് സ്കൂളില് കൂട്ടുകാരുടെ കളിയാക്കലുകള് നിരന്തരമായി നേരിടേണ്ടി വരുന്നു ആരും തണലാകുന്നില്ല എന്ന പരാതിയാണ് വീട്ടമ്മ പങ്കുവച്ചത്. മന്ത്രി വി എന് വാസവനാണ് ഇക്കാര്യം ഫേസ്ബുക്കില് പങ്കുവെച്ചത്. ഇക്കാര്യം പറയുന്നതിനിടെ വീട്ടമ്മ പൊട്ടിക്കരഞ്ഞതായും മന്ത്രി പറഞ്ഞു.
കൂലിപ്പണിക്കാരനായ ഇളങ്ങൂര് അജിത് കുമാറിന്റെയും പ്രീതിയുടെ മകനാണ് ശ്രീഹരി. പുത്തേറ്റ് ഗവണ്മെന്റ് യുപി സ്കൂളില് ആറാം ക്ലാസ്സ് വിദ്യാര്ത്ഥിയാണ്. കാലിന് ചലനശേഷി നഷ്ട്ടപ്പെട്ട ശ്രീഹരിക്ക് സ്കൂളില് കൂട്ടുകാരുടെ കളിയാക്കലുകള് നിരന്തരമായി നേരിടേണ്ടി വരുന്നു ആരും തണലാകുന്നില്ല എന്ന പരാതിയാണ് അമ്മ പങ്കുവച്ചത്. ഇതേതുടര്ന്ന് വിദ്യാഭ്യാസ ഡെപ്യൂട്ടി ഡയറക്ടറെ വിളിച്ചു വരുത്തി ഹരി പഠിച്ചിരുന്ന സ്കൂളിലെ വിദ്യാര്ത്ഥികള്ക്കും അദ്ധ്യാപകര്ക്കും കൗണ്സിലിങ്ങ് നല്കാന് നിര്ദ്ദേശം നല്കി. ശ്രീഹരിക്ക് അവിടെ തന്നെ പഠിക്കാനുള്ള സൗകര്യം ഏര്പ്പെടുത്താനും ചുമതലപ്പെടുത്തി. കൂടാതെ ഹരിക്ക് സഞ്ചരിക്കാന് വികലാംഗ കോര്പ്പറേഷനില് നിന്നും വീല്ചെയര് ലഭ്യമാക്കാനും നിര്ദ്ദേശം നല്കിയിട്ടുണ്ടെന്നും മന്ത്രി പറഞ്ഞു.
