മലപ്പുറം : കൊട്ടൂക്കരയില് പെണ്കുട്ടിയെ ബലാല്സംഗം ചെയ്യാന് ശ്രമിച്ച പ്രതിയെ കുറിച്ച് സൂചന ലഭിച്ചെന്ന് എസ്.പി. മലയാളി തന്നെയാണ് പ്രതിയെന്നാണ് സൂചനയെന്ന് എസ്.പി സുജിത് ദാസ് പറഞ്ഞു. ക്ലാസിലേക്കു പോവും വഴിയായിരുന്നു ആക്രമണം. പെണ്കുട്ടിക്ക് പരുക്കേറ്റു. ഇനി കണ്ടാല് തിരിച്ചറിയാനാവുമെന്ന് കുട്ടി പറഞ്ഞതായും എസ്.പി അറിയിച്ചു.
ബലാല്സംഗ ശ്രമത്തിനിടെ പെണ്കുട്ടിയെ കല്ലുകൊണ്ട് ഇടിച്ച് പരുക്കേല്പ്പിച്ചിരുന്നു. ഓടി രക്ഷപ്പെട്ട പെണ്കുട്ടി പരിസരത്തുള്ള വീട്ടില് അഭയം തേടുകയായിരുന്നു. പരുക്കേറ്റ ഇരുപത്തൊന്നുകാരി ആശുപത്രി വിട്ടു. ബലാല്സംഗത്തിനും വധശ്രമത്തിനും പോലീസ് കേസെടുത്തിട്ടുണ്ട്. ഇന്നലെ ഉച്ചക്ക് രണ്ടിനായിരുന്നു ആക്രമണം.
