ഹരിപ്പാട് : കൊവിഡ് ബാധിച്ചു അമ്മയും മകനും മരിച്ചു. ഹരിപ്പാട് വെട്ടുവേനി നെടുവേലില്‍ ഇല്ലത്ത് ദാമോദരന്‍ നമ്പൂതിരിയുടെ ഭാര്യ ശ്രീദേവി അന്തര്‍ജനം (ഗീത- 59) മകന്‍ സൂര്യന്‍ ഡി നമ്പൂതിരി (31) എന്നിവരാണ് മരിച്ചത്.
ഇരുവരും വണ്ടാനം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. സൂര്യന്‍ ചൊവ്വാഴ്ച രാത്രി 11 നും മാതാവ് ശ്രീദേവി അന്തര്‍ജ്ജനം ബുധനാഴ്ച രാവിലെ 7.30 നാണ് മരിച്ചത്. കൊവിഡ് സ്ഥിരീകരിച്ച ഇരുവരേയും ആഗസ്റ്റ് 30 നാണ് വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്.
