കോഴിക്കോട്: കോഴിക്കോട് ജില്ലയെ അവഗണിച്ച് യുഡിഎഫ്. 13 സീറ്റില് 12 എണ്ണത്തില് വിജയിച്ചിട്ടും മന്ത്രിസ്ഥാനമില്ലാത്തതില് പ്രതിഷേധം ശക്തമാണ്. വടകര പുറമേരിയില് യൂത്ത് ലീഗ് പ്രവര്ത്തകര് നേതൃത്വത്തിനെതിരെ തെരുവില് ഇറങ്ങിയാണ് പ്രതിഷേധിച്ചത്. രണ്ടാം പിണറായി സര്ക്കാരില് കോഴിക്കോടുനിന്ന് മൂന്ന് മന്ത്രിമാര് ഉണ്ടായിരുന്നു. കോഴിക്കോട് ജില്ലയുടെ ചരിത്രത്തിലെ ഏറ്റവും വലിയ വിജയം നേടിയിട്ടും യുഡിഎഫ് നേതൃത്വം നീതി കാട്ടിയില്ല എന്ന വികാരം കോണ്ഗ്രസ് ലീഗ് പ്രവര്ത്തകരില് ശക്തമാണ്.
ജില്ലയില് നിന്നുള്ള ജനപ്രതിനിധികളെ കോണ്ഗ്രസും ലീഗും തഴഞ്ഞു. കോഴിക്കോടുനിന്ന് മന്ത്രിസഭയില് പ്രാതിനിധ്യം ഉണ്ടാകുമെന്ന വാര്ത്തകള് പുറത്തുവന്നിരുന്നെങ്കിലും ജില്ലയ്ക്ക് ഇത്തവണ മന്ത്രിമാരില്ല. ഡിസിസി പ്രസിഡന്റ് കെ പ്രവീണ് കുമാറിന്റെയും കെപിസിസി ജനറല് സെക്രട്ടറി ജയന്തിനെയും പരിഗണിച്ചില്ല. കുറ്റ്യാടി എംഎല്എ പാറക്കല് അബ്ദുള്ളയെ അവസാനനിമിഷം ലീഗും ഒഴിവാക്കി. നേതൃത്വത്തിനെതിരെ കടുത്ത വിമര്ശനം ഉന്നയിച്ചാണ് ഞായറാഴ്ച വൈകീട്ട് പുറമേരിയില് യൂത്ത് ലീഗ് പ്രകടനം നടന്നത്
