തിരുവനന്തപുരം : കെപിസിസി പുനഃസംഘടന നിർത്തിവെച്ചിട്ടില്ലെന്ന് കെപിസിസി പ്രസിഡന്റ് കെ.സുധാകരൻ. പുനഃസംഘടന നിർത്തിവെച്ചെന്ന വാർത്ത ഏത് അധികാരികതയുടെ അടിസ്ഥാനത്തിലെന്ന് കെ.സുധാകരൻ പ്രതികരിച്ചു. ഔദ്യോഗിക കാര്യങ്ങൾ മാധ്യമങ്ങളോട് അറിയിക്കുന്നത് കെപിസിസി വക്താക്കളാണ്. കൂടാതെ എസ്എഫ്ഐയുടെ ഗുണ്ടായിസം വെല്ലുവിളിയായി ഉയരുകയെന്ന് കെ.സുധാകരൻ പറഞ്ഞു. കെഎസ്യു പ്രവർത്തകയെ വസ്ത്രാക്ഷേപം നടത്താൻ എസ്എഫ്ഐ ശ്രമിച്ചു. എസ്എഫ്ഐക്കെതിരെ പ്രതിഷേധം സംഘടിപ്പിക്കാനുള്ള സാഹചര്യമാണ്. ആക്രമണങ്ങൾക്ക് പോലീസ് മൂകസാക്ഷി ആകുന്നത് കേരളത്തിന്റെ ശാപമാണെന്നും കെ.സുധാകരൻ വിമർശിച്ചു.
