തിരുവനന്തപുരം : കെ – റെയില് അതിരടയാള കല്ല് സ്ഥാപിക്കുന്നതിനെതിരെ പ്രതിഷേധം സംസഥാനത്തെ പലയിടങ്ങളിലും നടക്കുകയാണ്. കല്ല് കെ – റെയില് സാമൂഹികാഘാത സര്വേ നടത്താനെന്ന പേരില് സ്ഥാപിക്കുന്ന സര്ക്കാര് നടപടിക്കെതിരെ വലിയ പ്രതിഷേധമാണ് ഉയരുന്നത്. ഇന്നും പലയിടത്തും പ്രതിഷേധം നടക്കുകയാണ്.
പ്രതിഷേധത്തിന്റെ ഭാഗമായി ബിജെപി മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിലേക്ക് മാര്ച്ച് നടത്തി. നൂറു കണക്കിന് പ്രവര്ത്തകര് പിഴുതെടുത്ത സര്വെ കല്ലുകളുമായിട്ടാണ് പ്രതിഷേധം നടത്തിയത്.
ബിജെപി ജില്ലാ അധ്യക്ഷന് വി.വി രാജേഷിന്റെ നേതൃത്വത്തില് ആയിരുന്നു പ്രതിഷേധം മുരിക്കുംപുഴയില് നിന്നും ക്ലിഫ്ഹൗസിലേക്കായിരുന്നു പ്രതിഷേധം. ക്ലിഫ്ഹൗസിനുള്ളില് സര്വെ കല്ലുകള് നിക്ഷേപിക്കുമെന്ന് വി.വി രാജേഷ് പറഞ്ഞു. ഈ പദ്ധതി കേരളത്തിന് ആവശ്യമില്ല. ഈ പദ്ധതി നടപ്പിലാക്കുന്നത് കാലാകാലങ്ങളായി സിപിഎമ്മിനും നേതാക്കന്മാര്ക്കും പ്രവര്ത്തിക്കാനുള്ള പണം സമ്പാദിക്കാനാണെന്നും രാജേഷ് അറിയിച്ചു.
