കോന്നി : കെ എസ് ഇ ബി യുടെ ഇലക്ട്രിക് പോസ്റ്റിന്റെ ചുവട് കോണ്ക്രീറ്റ് ചെയ്തത് ഗതാഗത തടസം സൃഷ്ടിക്കുന്നതായി നാട്ടുകാര്. കുളത്തു മണ്ണില് പ്രധാന റോഡില് നിന്ന് ജനവാസ മേഖലയിലേക്ക് തിരിയുന്ന ഭാഗത്താണ് പോസ്റ്റിന്റെ ചുവട് കോണ്ക്രീറ്റ് ചെയ്തിരിക്കുന്നത്. പോസ്റ്റ് ഇത്തരത്തില് കോണ്ക്രീറ്റ് ചെയ്തത് മൂലം ഈ റോഡിലേക്ക് വലിയ വാഹനങ്ങള് ഒന്നും കയറാന് പറ്റാത്ത സ്ഥിതിയാണെന്നും പ്രദേശവാസികള് പറഞ്ഞു. കെട്ടിട നിര്മ്മാണം വരെ നടന്നുകൊണ്ടിരിക്കുന്ന ഇവിടെ നിര്മ്മാണ സാമഗ്രികള് പോലും എത്തിക്കാന് കഴിയാത്ത സ്ഥിതിയാണുള്ളത്. സംഭവത്തില് ജനങ്ങളുടെ പ്രതിഷേധം ശക്തമാണ്.
