തിരുവനന്തപുരം : വേനൽ മഴ തുടങ്ങിയതോടെ വൈദ്യുതി ഉപഭോഗത്തിൽ കുറവ് ഉണ്ടായതായി കെ എസ് ഇ ബി അറിയിച്ചു. കേരളത്തിൽ കഴിഞ്ഞ ദിവസങ്ങളിൽ കടുത്ത ചൂടിൻ്റ ഭാഗമായി വൈദ്യുതി ഉപഭോഗവും വലിയ രീതിയിൽ കൂടിയിരുന്നു. പല ദിവസങ്ങളിൽ വൈദ്യുതി ഉപഭോഗം സർവ്വകാല റെക്കോർഡിൽ വരെ എത്തിയിരുന്നു. എന്നാൽ ഇന്നലെ മുതൽ കേരളത്തിൽ വൈദ്യുതി ഉപഭോഗം കുറഞ്ഞു തുടങ്ങിയിരിക്കുകയാണ് എന്നാണ് കെ എസ് ഇ ബി യുടെ കണക്ക്. ഇന്നലെ മുതൽ സംസ്ഥാനത്ത് വേനൽ മഴ പെയ്തു തുടങ്ങിയിരിക്കുകയാണ്. ഈ സാഹചര്യത്തിലാണ് വൈദ്യുതി ഉപഭോഗം കുറയുന്നത്.
ചൂടിന് താല്കാലികമായി കുറവുണ്ടാകുന്നതാണ് വൈദ്യതി ഉപഭോഗം കുറയാൻ കാരണമായത്. ഓവർ ലോഡ് വരുന്ന സാഹചര്യത്തിൽ പവർ ട്രിപ്പാകുന്ന സാഹചര്യവും താല്കാലിമായി നേരിയ നിയന്ത്രണങ്ങളും കേരളത്തിലുണ്ടായിരുന്നു. എന്നാൽ ഇന്നലെ അത്തരത്തിൽ യാതൊരു പ്രശ്നവും സംസ്ഥാനത്തുണ്ടായില്ലെന്നും കെ എസ് ഇ ബി വ്യക്തമാക്കി. വരും ദിവസങ്ങളിൽ സംസ്ഥാനത്ത് വേനൽ മഴ കനക്കുന്നതോടെ വൈദ്യുതി ഉപഭോഗത്തിൽ വലിയ കുറവ് ഉണ്ടാകുമെന്നാണ് വിലയിരുത്തൽ.
