പത്തനംതിട്ട : സാമൂഹ്യ സുരക്ഷ പെൻഷൻ നൽകാനുള്ള ഉത്തരവാദിത്വത്തിൽനിന്ന് പിന്മാറുന്ന കേന്ദ്ര സർക്കാർ നടപടിയ്ക്കെതിരെ കെ.എസ്.കെ.റ്റി.യു വിന്റെ നേതൃത്വത്തിൽ നിയോജക മണ്ഡലം കേന്ദ്രീകരിച്ച് കേന്ദ്ര സർക്കാർ ഓഫീസുകളിലേക്ക് മാർച്ച് നടത്തി. ആറന്മുള മണ്ഡലം കേന്ദ്രീകരിച്ച് പത്തനംതിട്ട ഹെഡ് പോസ്റ്റ് ഓഫീസിലേക്ക് നടത്തിയ മാർച്ച് യൂണിയൻ ജില്ലാ പ്രസിഡന്റ് പി .എസ് കൃഷ്ണകുമാർ ഉദ്ഘാടനം ചെയ്തു. ജില്ലാ ജോയിന്റ് സെക്രട്ടറി പി. കെ സത്യവ്രതൻ അധ്യക്ഷത വഹിച്ചു. പത്തനംതിട്ട ഏരിയ സെക്രട്ടറി ടി.എ രാജേന്ദ്രൻ, ജില്ലാ കമ്മിറ്റിയംഗങ്ങളായ കെ.കെ ശ്രീധരൻ, അനീഷ് വിശ്വനാഥ്, ഒ.പി ഷിബു, കെ ടി മോഹനൻ എന്നിവർ സംസാരിച്ചു.
സാമൂഹ്യ ക്ഷേമ പെന്ഷന് ഇനത്തില് വയോജനങ്ങള്ക്ക് 200 രൂപയും ഭിന്നശേഷി വിഭാഗങ്ങള്ക്ക് 300 രൂപയും വിധവകള്ക്ക് 300 രൂപയുമാണ് കേന്ദ്ര വിഹിതം. 2007 -2012 വര്ഷത്തില് തയ്യാറാക്കിയ ഗുണഭോക്തൃ ലിസ്റ്റ് അനുസരിച്ചാണ് കേന്ദ്രത്തിന്റെ പെന്ഷന് വിതരണം ചെയ്യുന്നത്. ഈ പട്ടിക പുതുക്കാനോ പെന്ഷന് തുക വര്ദ്ധിപ്പിക്കാനോ കേന്ദ്ര സര്ക്കാര് തയ്യാറായിട്ടില്ലെന്നും ഇപ്പോള് പാവങ്ങള്ക്ക് നല്കുന്ന നാമമാത്രമായ കരുതലും ഇല്ലാതാക്കുകയാണ് കേന്ദ്രമെന്നും ഭാരവാഹികള് പറഞ്ഞു.
