പാലക്കാട് : കുഴല്മന്ദത്ത് കെ.എസ്.ആര്.ടിസി ബസ് ഇടിച്ച് യുവാക്കള് മരിച്ചത് ഡ്രൈവറുടെ വീഴ്ച്ച മൂലമാണെന്ന് അന്വേഷണ സംഘം റിപ്പോര്ട്ട് സമര്പ്പിച്ചു. ഡ്രൈവര്ക്കെതിരെ മനപ്പൂര്വമായ നരഹത്യക്ക് കേസെടുത്തു. ഡ്രൈവര് ജാഗ്രത പുലര്ത്തണമായിരുന്നുവെന്ന് റിപ്പോര്ട്ടില് പറയുന്നു. ഫെബ്രുവരി ഏഴിനാണ് കുഴല് മന്ദത്ത് ദേശീയ പാതയില് രണ്ടു യുവാക്കളുടെ ജീവനെടുത്ത അപകടം. ബസ് ഡ്രൈവര് ഔസേപ്പിനെ സ്റ്റേഷന് ജാമ്യത്തില് വിട്ടതിന് എതിരെ യുവാക്കളുടെ കുടുംബം രംഗത്തെത്തിയിരുന്നു.
മൂന്നു ദൃക്സാക്ഷികളുടെ മൊഴിയുടെയും സംഭവ സ്ഥലത്തുനിന്നും ലഭിച്ച വീഡിയോ ദൃശ്യങ്ങളുടെയും അടിസ്ഥാനത്തിലാണ് ഐ.പി.സി 304 വകുപ്പ് കൂട്ടിച്ചേര്ത്തത്. പത്തുവര്ഷം വരെ തടവു ലഭിക്കാവുന്ന കുറ്റമാണ് ചുമത്തിയിരിക്കുന്നത്. ബസ് ഡ്രൈവര് പീച്ചി സ്വദേശി ഔസേപ്പ് ഇപ്പോള് സസ്പന്ഷനിലാണ്. ഇയാളുടെ ഡ്രൈവിങ് ലൈസന്സ് മോട്ടോര് വാഹന വകുപ്പ് റദ്ദാക്കിയിരുന്നു.
