കൊല്ലം : കെഎസ്ആര്ടിസിയുടെ മരണം വേഗത്തിലാക്കി ഇടത് സര്ക്കാരും മാനേജ്മന്റും. കോര്പ്പറേഷന്റെ കുത്തക റൂട്ടുകളും സ്വകാര്യവത്ക്കരിച്ച് തുടങ്ങി. കെഎസ്ആര്ടിസിക്ക് മാത്രം സ്വന്തമായിരുന്ന പുനലൂര് – അലിമുക്ക് – അച്ചന്കോവില് റൂട്ടില് രണ്ട് സ്വകാര്യബസിനാണ് പെര്മിറ്റ് കൊടുത്തിരിക്കുന്നത്. പെര്മിറ്റ് കിട്ടിയ മുറക്ക് സ്വകാര്യ ബസുകള് സര്വീസ് ആരംഭിക്കുകയും ചെയ്തു.
ഉപാസന എന്ന ബസാണ് ഇതുവരെ ആനവണ്ടിയുടെ കുത്തകയായിരുന്ന റൂട്ടില് സര്വീസ് ആരംഭിച്ച ആദ്യ ബസ്. കെഎസ്ആര്ടിസി ലാഭത്തില് ഓടിയിരുന്ന റൂട്ടാണ് പുനലൂര് – അലിമുക്ക് – അച്ചന്കോവില്. ഇതാണ് ഇപ്പോള് സ്വകാര്യ ബസുകള്ക്കായി തുറന്ന് കൊടുത്തിരിക്കുന്നത്. പൊതുമേഖലക്ക് വേണ്ടി വാതോരാതെ സംസാരിക്കുന്ന ഇടത് സര്ക്കാരും മാനേജ്മെന്റുമാണ് പൊതുമേഖലാ റൂട്ട് ഇപ്പോള് സ്വകാര്യവത്ക്കരിച്ചിരിക്കുന്നത്.
