തിരുവനന്തപുരം: കെഎസ്ആര്ടിസിയിലെ ചെലവ് ചുരുക്കണമെന്ന് ഗതാഗത മന്ത്രി കെ ബി ഗണേഷ്കുമാര്. ഒന്നാം തീയതി തന്നെ മുഴുവന് ശമ്പളവും നല്കാനുള്ള മാര്ഗങ്ങള് കണ്ടെത്തണമെന്നും അദ്ദേഹം വ്യക്തമാക്കി.രണ്ടാം പിണറായി സര്ക്കാരിന്റെ രണ്ടാംടേമില് മന്ത്രിയായ കെബി ഗണേഷ്കുമാര് ചുമതലയേറ്റെടുത്തതിന് പിന്നാലെ തന്നെ കെഎസ്ആര്ടിസിയില് പരിഷ്കരണങ്ങള് കൊണ്ടുവരുമെന്ന് പറഞ്ഞിരുന്നു. കെഎസ്ആര്ടിസി കൂടുതല് ജനകീയമാക്കുമെന്നും നഷ്ടത്തിലോടുന്ന റൂട്ടുകള് റദ്ദാക്കുമെന്നും മന്ത്രി വ്യക്തമാക്കി.
സംസ്ഥാനത്ത് ഡ്രൈവിങ് ടെസ്റ്റുകള് കര്ശനമാക്കാനും മന്ത്രി കെ ബി ഗണേഷ് കുമാര് തീരുമാനം എടുത്തിട്ടുണ്ട്. ടെസ്റ്റ് നടത്തുന്ന വാഹനങ്ങളില് ക്യാമറകള് സ്ഥാപിക്കുന്നത് ഉള്പ്പെടെയുള്ള പരിഷ്കാരങ്ങള് കൊണ്ടുവരുമെന്ന് മന്ത്രി പറഞ്ഞു. നഷ്ടത്തില് ഓടുന്ന സര്വീസുകള് നിര്ത്തലാക്കുമെന്നും മാറ്റ് യാത്ര സംവിധാനങ്ങള് ഇല്ലാത്ത സ്ഥലങ്ങളില് മാത്രം നിലനിര്ത്തും എന്നും മന്ത്രി അറിയിച്ചു.
