കോട്ടയം : പാലായില് ചാരായവുമായി പിടികൂടിയ കെ.എസ്.ആര്.ടി.സി സ്റ്റേഷന് മാസ്റ്ററെ സസ്പെന്ഡ് ചെയ്തു. കെ.എസ്.ആര്.ടി.സി വിജിലന്സ് നടത്തിയ മിന്നല് പരിശോധനയിലാണ് സ്റ്റേഷന് മാസ്റ്റര് മേലുകാവ് ഇല്ലിക്കല് സ്വദേശി ജെയിംസ് ജോര്ജ് പിടിയിലായത്. തുടര്ന്ന് ഇയാളെ സസ്പെന്ഡ് ചെയ്യാന് സിഎംഡി ഉത്തരവിടുകയായിരുന്നു. കോര്പ്പറേഷന്റെ സല്പ്പേരിന് കളങ്കം ഉണ്ടാക്കിയ പ്രവര്ത്തി ചെയ്യുകയും എക്സൈസ് അറസ്റ്റ് ചെയ്യുകയും ചെയ്തതിനെ തുടര്ന്നാണ് ജയിംസ് ജോര്ജിനെ സസ്പെന്ഡ് ചെയ്യാന് സിഎംഡി ഉത്തരവിട്ടത്.
നേരത്തെ ഇയാള്ക്കെതിരെ എക്സൈസിന് വിവരം ലഭിച്ചിരുന്നു. എക്സൈസ് നിരീക്ഷിച്ചു വരുന്നതിനിടെയാണ് അപ്രതീക്ഷിതമായി ഡിപ്പോയിലെത്തിയ കെ എസ് ആര് ടി സിയുടെ ആഭ്യന്തര വിജിലന്സ് സംഘം ജെയംസിനെ കസ്റ്റഡിയിലെടുത്തത്. ഇയാളുടെ ഓഫീസ് മുറിയില് നിന്നാണ് ചാരായവും പിടികൂടിയത്. 500 മില്ലി ചാരായമാണ് ഇയാളുടെ കൈയില് നിന്ന് പിടിച്ചെടുത്തത്.
